حَدَّثَنَا مُحَمَّدُ بْنُ دَاوُدَ بْنِ سُفْيَانَ، حَدَّثَنَا عَبْدُ الرَّزَّاقِ، أَخْبَرَنَا مَعْمَرٌ، عَنِ الزُّهْرِيِّ، عَنْ عُرْوَةَ، عَنْ عَائِشَةَ، أَنَّ النَّبِيَّ صلى الله عليه وسلم بَعَثَ أَبَا جَهْمِ بْنَ حُذَيْفَةَ مُصَدِّقًا فَلاَجَّهُ رَجُلٌ فِي صَدَقَتِهِ فَضَرَبَهُ أَبُو جَهْمٍ فَشَجَّهُ فَأَتَوُا النَّبِيَّ صلى الله عليه وسلم فَقَالُوا الْقَوَدَ يَا رَسُولَ اللَّهِ . فَقَالَ النَّبِيُّ صلى الله عليه وسلم " لَكُمْ كَذَا وَكَذَا " . فَلَمْ يَرْضَوْا فَقَالَ " لَكُمْ كَذَا وَكَذَا " . فَلَمْ يَرْضَوْا فَقَالَ " لَكُمْ كَذَا وَكَذَا " . فَرَضُوا . فَقَالَ النَّبِيُّ صلى الله عليه وسلم " إِنِّي خَاطِبٌ الْعَشِيَّةَ عَلَى النَّاسِ وَمُخْبِرُهُمْ بِرِضَاكُمْ " . فَقَالُوا نَعَمْ . فَخَطَبَ رَسُولُ اللَّهِ صلى الله عليه وسلم فَقَالَ " إِنَّ هَؤُلاَءِ اللَّيْثِيِّينَ أَتَوْنِي يُرِيدُونَ الْقَوَدَ فَعَرَضْتُ عَلَيْهِمْ كَذَا وَكَذَا فَرَضُوا أَرَضِيتُمْ " . قَالُوا لاَ . فَهَمَّ الْمُهَاجِرُونَ بِهِمْ فَأَمَرَهُمْ رَسُولُ اللَّهِ صلى الله عليه وسلم أَنْ يَكُفُّوا عَنْهُمْ فَكَفُّوا ثُمَّ دَعَاهُمْ فَزَادَهُمْ فَقَالَ " أَرَضِيتُمْ " . فَقَالُوا نَعَمْ . قَالَ " إِنِّي خَاطِبٌ عَلَى النَّاسِ وَمُخْبِرُهُمْ بِرِضَاكُمْ " . قَالُوا نَعَمْ . فَخَطَبَ النَّبِيُّ صلى الله عليه وسلم فَقَالَ " أَرَضِيتُمْ " . قَالُوا نَعَمْ .
Oisha (roziyallohu anho)dan rivoyat qilinadiki, Nabiy ﷺ Abu Jahm ibn Huzayfani zakot yigʻuvchi qilib yubordilar. Bir kishi unga oʻz sadaqasi (zakoti) borasida tortishib qoldi. Shunda Abu Jahm uni urib, boshini yorib qoʻydi. (Uning qavmi) Nabiy ﷺ huzuriga kelib: «Qasos olib bering, yo Rasululloh!» deyishdi. Nabiy ﷺ: «Sizlarga shuncha-shuncha (xun) boʻlsin», dedilar. Ular rozi boʻlishmadi. U zot: «Sizlarga shuncha-shuncha boʻlsin», dedilar. Ular yana rozi boʻlishmadi. U zot: «Sizlarga shuncha-shuncha boʻlsin», dedilar. Shunda ular rozi boʻlishdi. Nabiy ﷺ: «Men kechqurun odamlarga xutba qilib, ularga sizning roziligingizni xabar beraman», dedilar. Ular: «Ha (mayli)», deyishdi. Soʻng Rasululloh ﷺ xutba qilib: «Mana bu laysiylar mening huzurimga kelib, qasos olishni istashdi. Men ularga shuncha-shuncha (xun) taklif qildim, ular rozi boʻlishdi. (Endi ham) rozimisizlar?» dedilar. Ular: «Yoʻq», deyishdi. Shunda muhojirlar ularga (taʼzir berishga) qasd qilishdi. Rasululloh ﷺ ularni (muhojirlarni) ulardan (taʼzir berishdan) tiyilishga buyurdilar, ular ham tiyildilar. Soʻng u zot ularni (laysiylarni) chaqirib, (xunni) yana koʻpaytirdilar va: «Rozimisizlar?» dedilar. Ular: «Ha», deyishdi. U zot: «Men odamlarga xutba qilib, ularga sizning roziligingizni xabar beraman», dedilar. Ular: «Ha», deyishdi. Soʻng Nabiy ﷺ xutba qilib: «Rozimisizlar?» dedilar. Ular: «Ha», deyishdi.Оиша (розияллоҳу анҳо)дан ривоят қилинадики, Набий ﷺ Абу Жаҳм ибн Ҳузайфани закот йиғувчи қилиб юбордилар. Бир киши унга ўз садақаси (закоти) борасида тортишиб қолди. Шунда Абу Жаҳм уни уриб, бошини ёриб қўйди. (Унинг қавми) Набий ﷺ ҳузурига келиб: «Қасос олиб беринг, ё Расулуллоҳ!» дейишди. Набий ﷺ: «Сизларга шунча-шунча (хун) бўлсин», дедилар. Улар рози бўлишмади. У зот: «Сизларга шунча-шунча бўлсин», дедилар. Улар яна рози бўлишмади. У зот: «Сизларга шунча-шунча бўлсин», дедилар. Шунда улар рози бўлишди. Набий ﷺ: «Мен кечқурун одамларга хутба қилиб, уларга сизнинг розилигингизни хабар бераман», дедилар. Улар: «Ҳа (майли)», дейишди. Сўнг Расулуллоҳ ﷺ хутба қилиб: «Мана бу лайсийлар менинг ҳузуримга келиб, қасос олишни исташди. Мен уларга шунча-шунча (хун) таклиф қилдим, улар рози бўлишди. (Энди ҳам) розимисизлар?» дедилар. Улар: «Йўқ», дейишди. Шунда муҳожирлар уларга (таъзир беришга) қасд қилишди. Расулуллоҳ ﷺ уларни (муҳожирларни) улардан (таъзир беришдан) тийилишга буюрдилар, улар ҳам тийилдилар. Сўнг у зот уларни (лайсийларни) чақириб, (хунни) яна кўпайтирдилар ва: «Розимисизлар?» дедилар. Улар: «Ҳа», дейишди. У зот: «Мен одамларга хутба қилиб, уларга сизнинг розилигингизни хабар бераман», дедилар. Улар: «Ҳа», дейишди. Сўнг Набий ﷺ хутба қилиб: «Розимисизлар?» дедилар. Улар: «Ҳа», дейишди.