Abdussalom ibn Abu Hozim Abu Tolut aytadi: Men Abu Barzaning Ubaydulloh ibn Ziyodning huzuriga kirganini koʻrdim. Menga falonchi — uni Muslim nomladi va u dasturxon yonida edi — soʻzlab berdi: Ubaydulloh uni koʻrgach: «Mana shu sizning Muhammadiyingiz — kalta boʻyli, semizdir» dedi. Chol (Abu Barza) buni anglab oldi va: «Men Muhammad ﷺning suhbatlari (sahobiyligi) bilan meni ayblaydigan bir qavm orasida qolaman deb hech oʻylamagan edim» dedi. Shunda Ubaydulloh unga: «Albatta, Muhammad ﷺning suhbati sen uchun aybsiz bir ziynatdir» dedi. Soʻngra: «Men seni faqat havz haqida soʻrash uchun chaqirgan edim. Rasululloh ﷺdan u haqda biror narsa eshitganmisan?» dedi. Abu Barza: «Ha, bir marta ham, ikki marta ham, uch marta ham, toʻrt marta ham, besh marta ham emas (balki koʻp marta eshitganman). Kim uni yolgʻonga chiqarsa, Alloh unga undan suv ichirmasin!» dedi. Soʻngra gʻazablangan holda chiqib ketdi.Абдуссалом ибн Абу Ҳозим Абу Толут айтади: Мен Абу Барзанинг Убайдуллоҳ ибн Зиёднинг ҳузурига кирганини кўрдим. Менга фалончи — уни Муслим номлади ва у дастурхон ёнида эди — сўзлаб берди: Убайдуллоҳ уни кўргач: «Мана шу сизнинг Муҳаммадийингиз — калта бўйли, семиздир» деди. Чол (Абу Барза) буни англаб олди ва: «Мен Муҳаммад ﷺнинг суҳбатлари (саҳобийлиги) билан мени айблайдиган бир қавм орасида қоламан деб ҳеч ўйламаган эдим» деди. Шунда Убайдуллоҳ унга: «Албатта, Муҳаммад ﷺнинг суҳбати сен учун айбсиз бир зийнатдир» деди. Сўнгра: «Мен сени фақат ҳавз ҳақида сўраш учун чақирган эдим. Расулуллоҳ ﷺдан у ҳақда бирор нарса эшитганмисан?» деди. Абу Барза: «Ҳа, бир марта ҳам, икки марта ҳам, уч марта ҳам, тўрт марта ҳам, беш марта ҳам эмас (балки кўп марта эшитганман). Ким уни ёлғонга чиқарса, Аллоҳ унга ундан сув ичирмасин!» деди. Сўнгра ғазабланган ҳолда чиқиб кетди.