Abdulloh ibn Abbos (roziyallohu anhumo)dan rivoyat qilinadi. U Muzzammil surasi haqida shunday dedi: {Kechasining ozini (uxlab), oʻrnidan turib, oz qismidan boshqasida — yarmida (namoz oʻqi)} (Muzzammil 2-3) degan oyat oʻzidan keyingi {(Alloh) sizlar uni sanab (toʻla ado eta) olmasligingizni bildi va sizlarning (tavbalaringizni) qabul qildi. Bas, Qurʼondan muyassar boʻlganini oʻqinglar} (Muzzammil 20) degan oyat bilan bekor qilindi. ‹Noshiatul-layl› — kechaning avvalidir. Ular (sahobalar) namozlarini kechaning avvalida oʻqir edilar. U (Ibn Abbos): «Bu Alloh sizlarga farz qilgan kechasi (turib namoz oʻqish)ni sanab (ado etishingiz)ga loyiqroqdir. Chunki inson uxlaganida, qachon uygʻonishini bilmaydi», deydi. Uning (Allohning) {aqvamu qiyla} degan soʻzi — ‹bu Qurʼonni tushunishga loyiqroqdir› (degani). Uning {Albatta, senga kunduzi uzoq mashgʻulot bordir} (Muzzammil 7) degan soʻzi — ‹uzoq vaqt bandlik bordir› (deganidir).Абдуллоҳ ибн Аббос (розияллоҳу анҳумо)дан ривоят қилинади. У Муззаммил сураси ҳақида шундай деди: {Кечасининг озини (ухлаб), ўрнидан туриб, оз қисмидан бошқасида — ярмида (намоз ўқи)} (Муззаммил 2-3) деган оят ўзидан кейинги {(Аллоҳ) сизлар уни санаб (тўла адо эта) олмаслигингизни билди ва сизларнинг (тавбаларингизни) қабул қилди. Бас, Қуръондан муяссар бўлганини ўқинглар} (Муззаммил 20) деган оят билан бекор қилинди. ‹Ношиатул-лайл› — кечанинг аввалидир. Улар (саҳобалар) намозларини кечанинг аввалида ўқир эдилар. У (Ибн Аббос): «Бу Аллоҳ сизларга фарз қилган кечаси (туриб намоз ўқиш)ни санаб (адо этишингиз)га лойиқроқдир. Чунки инсон ухлаганида, қачон уйғонишини билмайди», дейди. Унинг (Аллоҳнинг) {ақваму қийла} деган сўзи — ‹бу Қуръонни тушунишга лойиқроқдир› (дегани). Унинг {Албатта, сенга кундузи узоқ машғулот бордир} (Муззаммил 7) деган сўзи — ‹узоқ вақт бандлик бордир› (деганидир).