Abu Bakr as-Siddiq (roziyallohu anhu)dan rivoyat qilinadi: Asmo ibnul-Hakam aytadi: Men Ali (roziyallohu anhu)ning shunday deyayotganini eshitdim: Men shunday kishi edimki, Rasululloh ﷺdan bir hadis eshitsam, Alloh xohlagan narsasi bilan menga undan manfaat berardi. Ammo u zotning ashoblaridan biri menga (hadis) soʻzlasa, undan qasam ichirardim; qasam ichsa, uni tasdiqlardim. Menga Abu Bakr (roziyallohu anhu) soʻzlab berdi — Abu Bakr esa rost soʻzladi — u Rasululloh ﷺning shunday deyayotganlarini eshitganini aytdi: «Qaysi bir banda gunoh qilib, soʻng taharatni chiroyli olib, soʻng turib ikki rakat namoz oʻqisa, soʻng Allohdan magʻfirat soʻrasa, albatta Alloh uni kechiradi». Soʻng u zot ushbu oyatni oʻqidilar: {Va ular fahsh ish qilib qoʻyganlarida yoki oʻzlariga zulm qilganlarida Allohni zikr etib (gunohlariga magʻfirat soʻraydilar)} — oyatning oxirigacha. (Oli Imron 135)Абу Бакр ас-Сиддиқ (розияллоҳу анҳу)дан ривоят қилинади: Асмо ибнул-Ҳакам айтади: Мен Али (розияллоҳу анҳу)нинг шундай деяётганини эшитдим: Мен шундай киши эдимки, Расулуллоҳ ﷺдан бир ҳадис эшитсам, Аллоҳ хоҳлаган нарсаси билан менга ундан манфаат берарди. Аммо у зотнинг ашобларидан бири менга (ҳадис) сўзласа, ундан қасам ичирардим; қасам ичса, уни тасдиқлардим. Менга Абу Бакр (розияллоҳу анҳу) сўзлаб берди — Абу Бакр эса рост сўзлади — у Расулуллоҳ ﷺнинг шундай деяётганларини эшитганини айтди: «Қайси бир банда гуноҳ қилиб, сўнг таҳаратни чиройли олиб, сўнг туриб икки ракат намоз ўқиса, сўнг Аллоҳдан мағфират сўраса, албатта Аллоҳ уни кечиради». Сўнг у зот ушбу оятни ўқидилар: {Ва улар фаҳш иш қилиб қўйганларида ёки ўзларига зулм қилганларида Аллоҳни зикр этиб (гуноҳларига мағфират сўрайдилар)} — оятнинг охиригача. (Оли Имрон 135)