Abu Muslim al-Xavloniy aytadilar: Menga sevimli va ishonchli (zot) — ammo u menga sevimli, mening nazdimda esa ishonchlidir — Avf ibn Molik (roziyallohu anhu) hadis aytib berdi. U shunday dedi: Biz Rasululloh ﷺ huzurlarida yetti yoki sakkiz yoxud toʻqqiz kishi edik. U zot: «Rasulullohga bayʼat qilmaysizlarmi?» dedilar. Holbuki, biz yaqindagina bayʼat qilgan edik. Biz: «Sizga bayʼat qilgan edik-ku», dedik. U zot buni uch marta aytdilar. Shunda biz qoʻllarimizni choʻzib, u zotga bayʼat qildik. Bir kishi: «Yo Rasululloh, biz sizga bayʼat qilgan edik-ku, endi nimaga bayʼat qilamiz?» dedi. U zot: «Allohga ibodat qilishingiz va Unga hech narsani sherik keltirmasligingiz, besh vaqt namozni oʻqishingiz, (amirlarga) quloq solishingiz va itoat qilishingizga», dedilar va bir kalimani pichirlab maxfiy aytdilar: «Va odamlardan biror narsa soʻramasligingizga». (Roviy) aytadi: Soʻngra oʻsha kishilarning baʼzisining qamchisi tushib qolsa ham, uni oʻziga olib bering, deb birovdan soʻramaydigan boʻldi.Абу Муслим ал-Хавлоний айтадилар: Менга севимли ва ишончли (зот) — аммо у менга севимли, менинг наздимда эса ишончлидир — Авф ибн Молик (розияллоҳу анҳу) ҳадис айтиб берди. У шундай деди: Биз Расулуллоҳ ﷺ ҳузурларида етти ёки саккиз ёхуд тўққиз киши эдик. У зот: «Расулуллоҳга байъат қилмайсизларми?» дедилар. Ҳолбуки, биз яқиндагина байъат қилган эдик. Биз: «Сизга байъат қилган эдик-ку», дедик. У зот буни уч марта айтдилар. Шунда биз қўлларимизни чўзиб, у зотга байъат қилдик. Бир киши: «Ё Расулуллоҳ, биз сизга байъат қилган эдик-ку, энди нимага байъат қиламиз?» деди. У зот: «Аллоҳга ибодат қилишингиз ва Унга ҳеч нарсани шерик келтирмаслигингиз, беш вақт намозни ўқишингиз, (амирларга) қулоқ солишингиз ва итоат қилишингизга», дедилар ва бир калимани пичирлаб махфий айтдилар: «Ва одамлардан бирор нарса сўрамаслигингизга». (Ровий) айтади: Сўнгра ўша кишиларнинг баъзисининг қамчиси тушиб қолса ҳам, уни ўзига олиб беринг, деб бировдан сўрамайдиган бўлди.