Abu Kabsha as-Saluliy aytadi: Men Abdulloh ibn Amr (roziyallohu anhumo)ning shunday deyayotganini eshitdim: Rasululloh ﷺ shunday dedilar: «(Yaxshilik) xislatlari qirqtadir. Ularning eng yuqorisi (sutidan foydalanish uchun) echkini birovga vaqtincha berishdir. Kishi ulardan biron xislatni uning savobini umid qilib va (Alloh) vaʼda qilgan (ajr)ni tasdiqlab ado etsa, Alloh albatta uni shu (xislat) sababli jannatga kiritadi». Abu Dovud aytdi: Musaddadning rivoyatida (kelishicha) Hasson aytdi: Biz echkini berishdan boshqa (xislatlar)ni — salomga alik olish, aksa urganga (yarhamukalloh deb) duo qilish, yoʻldan ozor beruvchi narsani olib tashlash va shu kabilarni — sanab koʻrdik, ammo oʻn besh xislatga ham yeta olmadik.Абу Кабша ас-Салулий айтади: Мен Абдуллоҳ ибн Амр (розияллоҳу анҳумо)нинг шундай деяётганини эшитдим: Расулуллоҳ ﷺ шундай дедилар: «(Яхшилик) хислатлари қирқтадир. Уларнинг энг юқориси (сутидан фойдаланиш учун) эчкини бировга вақтинча беришдир. Киши улардан бирон хислатни унинг савобини умид қилиб ва (Аллоҳ) ваъда қилган (ажр)ни тасдиқлаб адо этса, Аллоҳ албатта уни шу (хислат) сабабли жаннатга киритади». Абу Довуд айтди: Мусаддаднинг ривоятида (келишича) Ҳассон айтди: Биз эчкини беришдан бошқа (хислатлар)ни — саломга алик олиш, акса урганга (ярҳамукаллоҳ деб) дуо қилиш, йўлдан озор берувчи нарсани олиб ташлаш ва шу кабиларни — санаб кўрдик, аммо ўн беш хислатга ҳам ета олмадик.