Asvad ibn Sariʼ (roziyallohu anhu) aytdi: Men Rasululloh ﷺ huzurlariga keldim va u zot bilan birga gʻazot qildim hamda (jangda) ulov oʻljasiga erishdim. Oʻsha kuni odamlar shu qadar oʻldirdilarki, hatto bolalarni ham — bir safar: zurriyotni ham, dedi — oʻldirdilar. Bu (xabar) Rasululloh ﷺ ga yetdi va u zot: «Bugun baʼzi qavmlarga nima boʻldiki, oʻldirishda haddan oshib, bolalarni ham oʻldiribdilar?» dedilar. Bir kishi: «Ey Allohning Rasuli, ular mushriklarning bolalari-ku», dedi. U zot: «Ogoh boʻlinglar, sizlarning yaxshilaringiz ham mushriklarning bolalaridir», dedilar. Soʻng: «Ogoh boʻlinglar, bolalarni oʻldirmanglar! Ogoh boʻlinglar, bolalarni oʻldirmanglar!» dedilar. Yana: «Har bir tugʻiladigan jon fitrat uzra tugʻiladi — toki tili (oʻzidan) soʻzlab bergunicha; soʻng ota-onasi uni yahudiy yoki nasroniy qiladi», dedilar.Асвад ибн Сариъ (розияллоҳу анҳу) айтди: Мен Расулуллоҳ ﷺ ҳузурларига келдим ва у зот билан бирга ғазот қилдим ҳамда (жангда) улов ўлжасига эришдим. Ўша куни одамлар шу қадар ўлдирдиларки, ҳатто болаларни ҳам — бир сафар: зурриётни ҳам, деди — ўлдирдилар. Бу (хабар) Расулуллоҳ ﷺ га етди ва у зот: «Бугун баъзи қавмларга нима бўлдики, ўлдиришда ҳаддан ошиб, болаларни ҳам ўлдирибдилар?» дедилар. Бир киши: «Эй Аллоҳнинг Расули, улар мушрикларнинг болалари-ку», деди. У зот: «Огоҳ бўлинглар, сизларнинг яхшиларингиз ҳам мушрикларнинг болаларидир», дедилар. Сўнг: «Огоҳ бўлинглар, болаларни ўлдирманглар! Огоҳ бўлинглар, болаларни ўлдирманглар!» дедилар. Яна: «Ҳар бир туғиладиган жон фитрат узра туғилади — токи тили (ўзидан) сўзлаб бергунича; сўнг ота-онаси уни яҳудий ёки насроний қилади», дедилар.