Muoz ibn Anas al-Juhaniy (roziyallohu anhu)dan rivoyat qilinadi: Rasululloh ﷺ sahobalarini gʻazotga buyurdilar. Bir kishi esa ortda qolib, ahliga: «Men Rasululloh ﷺ bilan peshin namozini oʻqib, soʻng u zotga salom berib xayrlashguncha qolaman; u zot menga qiyomat kuni shafoat boʻladigan bir duo qilsinlar», dedi. Nabiy ﷺ namozni oʻqiganlarida, u kishi salom berib keldi. Rasululloh ﷺ unga: «Bilasanmi, sheriklaring sendan qancha oʻzib ketishdi?» dedilar. U: «Ha, ular mendan erta yoʻlga chiqishlari bilan oʻzishdi», dedi. Rasululloh ﷺ: «Jonim qoʻlida boʻlgan Zot bilan qasamki, ular fazilatda sendan ikki mashriq bilan ikki magʻrib orasidan ham uzoqroq oʻzib ketishdi», dedilar.Муоз ибн Анас ал-Жуҳаний (розияллоҳу анҳу)дан ривоят қилинади: Расулуллоҳ ﷺ саҳобаларини ғазотга буюрдилар. Бир киши эса ортда қолиб, аҳлига: «Мен Расулуллоҳ ﷺ билан пешин намозини ўқиб, сўнг у зотга салом бериб хайрлашгунча қоламан; у зот менга қиёмат куни шафоат бўладиган бир дуо қилсинлар», деди. Набий ﷺ намозни ўқиганларида, у киши салом бериб келди. Расулуллоҳ ﷺ унга: «Биласанми, шерикларинг сендан қанча ўзиб кетишди?» дедилар. У: «Ҳа, улар мендан эрта йўлга чиқишлари билан ўзишди», деди. Расулуллоҳ ﷺ: «Жоним қўлида бўлган Зот билан қасамки, улар фазилатда сендан икки машриқ билан икки мағриб орасидан ҳам узоқроқ ўзиб кетишди», дедилар.