Kaʼb ibn Molik (roziyallohu anhu)dan rivoyat qilinadi: Ramazonda odamlar shunday edilar: kishi roʻza tutib, kech kirgach uxlab qolsa, ertasi kuni iftor qilguniga qadar unga taom, ichimlik va ayollar harom boʻlar edi. Bir kecha Umar ibn Xattob Nabiy ﷺning huzurlaridan qaytdi — u zotning oldilarida kechani bedor oʻtkazgan edi — va xotinini uxlab qolgan holda topdi-da, undan (qovushishni) istadi. Xotini: «Men uxlab qolgandim», dedi. U: «Uxlaganing yoʻq», dedi va unga qoʻshildi. Kaʼb ibn Molik ham shunga oʻxshash ish qildi. Ertalab Umar Nabiy ﷺning oldilariga borib, bu haqda xabar berdi. Shunda Alloh taolo: «Alloh sizlar oʻzlaringizga xiyonat qilayotganingizni bilar edi, bas, tavbangizni qabul qildi va sizlarni afv etdi», (oyatini) nozil qildi.Каъб ибн Молик (розияллоҳу анҳу)дан ривоят қилинади: Рамазонда одамлар шундай эдилар: киши рўза тутиб, кеч киргач ухлаб қолса, эртаси куни ифтор қилгунига қадар унга таом, ичимлик ва аёллар ҳаром бўлар эди. Бир кеча Умар ибн Хаттоб Набий ﷺнинг ҳузурларидан қайтди — у зотнинг олдиларида кечани бедор ўтказган эди — ва хотинини ухлаб қолган ҳолда топди-да, ундан (қовушишни) истади. Хотини: «Мен ухлаб қолгандим», деди. У: «Ухлаганинг йўқ», деди ва унга қўшилди. Каъб ибн Молик ҳам шунга ўхшаш иш қилди. Эрталаб Умар Набий ﷺнинг олдиларига бориб, бу ҳақда хабар берди. Шунда Аллоҳ таоло: «Аллоҳ сизлар ўзларингизга хиёнат қилаётганингизни билар эди, бас, тавбангизни қабул қилди ва сизларни афв этди», (оятини) нозил қилди.