Ibn Abbos (roziyallohu anhumo)dan rivoyat qilinadi: Rasululloh ﷺ oramizda vaʼz qilish uchun turdilar va: «Albatta sizlar Alloh taolo huzuriga yalangoyoq, yalangʻoch, sunnatsiz holda toʻplanasizlar. {Avval qanday yaratgan boʻlsak, oʻshanday qaytaramiz. Bu zimmamizdagi vaʼdadir; albatta Biz uni ado etguvchimiz}. Xaloyiqdan eng avval kiydiriladigani aziz va jalil Rahmonning xalili Ibrohimdir», dedilar. Soʻng: «Sizlardan baʼzi qavmlar chap tomonga olib ketiladi», dedilar. Ibn Jaʼfar rivoyatida: «Albatta ummatimdan baʼzi kishilar keltiriladi-da, ular chap tomonga olib ketiladilar. Shunda men: ‹Yo Robbim, bular mening ashoblarim›, deyman. Menga: ‹Albatta sen ulardan keyin nima paydo qilganlarini bilmaysan; ular sen ulardan ajralganingdan beri ortlariga qaytib ketaverdilar›, deyiladi. Shunda men solih banda aytganidek: {Toki men ular ichida ekanman, ularga guvoh boʻldim} — oyatni {Albatta Sen Oʻzing Azizu Hakimsan} (deganigacha) — deyman», deyilgan.Ибн Аббос (розияллоҳу анҳумо)дан ривоят қилинади: Расулуллоҳ ﷺ орамизда ваъз қилиш учун турдилар ва: «Албатта сизлар Аллоҳ таоло ҳузурига ялангоёқ, яланғоч, суннатсиз ҳолда тўпланасизлар. {Аввал қандай яратган бўлсак, ўшандай қайтарамиз. Бу зиммамиздаги ваъдадир; албатта Биз уни адо этгувчимиз}. Халойиқдан энг аввал кийдириладигани азиз ва жалил Раҳмоннинг халили Иброҳимдир», дедилар. Сўнг: «Сизлардан баъзи қавмлар чап томонга олиб кетилади», дедилар. Ибн Жаъфар ривоятида: «Албатта умматимдан баъзи кишилар келтирилади-да, улар чап томонга олиб кетиладилар. Шунда мен: ‹Ё Роббим, булар менинг ашобларим›, дейман. Менга: ‹Албатта сен улардан кейин нима пайдо қилганларини билмайсан; улар сен улардан ажралганингдан бери ортларига қайтиб кетавердилар›, дейилади. Шунда мен солиҳ банда айтганидек: {Токи мен улар ичида эканман, уларга гувоҳ бўлдим} — оятни {Албатта Сен Ўзинг Азизу Ҳакимсан} (деганигача) — дейман», дейилган.