Ibn Abbos (roziyallohu anhumo) aytdi: Men xolam Maymuna binti Horisning huzurida uxladim. Nabiy ﷺ tunda turib, hojatlarini bajardilar, soʻng kelib yuzlarini va qoʻllarini yuvdilar, soʻng uxladilar. Soʻng tunda yana turib, mesh (suv idishi) oldiga keldilar va uning bogʻichini yechdilar, soʻng ikki tahoratning oʻrtasidagi tahorat qildilar — koʻp (suv ishlatmadilar), ammo (tahoratni) mukammal qildilar. Soʻng turib namoz oʻqidilar. Men u zotni kuzatib turgan edim, meni koʻrib qolishlarini yoqtirmay kerishib qoʻydim. Soʻng turib, u zot qilgandek qildim va u zotning chap tomonlarida turdim. Shunda u zot qulogʻim tomonidan ushlab, meni aylantirdilar, natijada men u zotning oʻng tomonlarida boʻldim — u zot namoz oʻqiyotgan edilar. U zotning namozlari oʻn uch rakatga toʻldi, ular ichida bomdodning ikki rakati ham bor edi. Soʻng yonboshlab uxladilar, hatto xurrak otdilar. Soʻng Bilol kelib, u zotni namozga chorladi. U zot turib namoz oʻqidilar, tahorat qilmadilar.Ибн Аббос (розияллоҳу анҳумо) айтди: Мен холам Маймуна бинти Ҳориснинг ҳузурида ухладим. Набий ﷺ тунда туриб, ҳожатларини бажардилар, сўнг келиб юзларини ва қўлларини ювдилар, сўнг ухладилар. Сўнг тунда яна туриб, меш (сув идиши) олдига келдилар ва унинг боғичини ечдилар, сўнг икки таҳоратнинг ўртасидаги таҳорат қилдилар — кўп (сув ишлатмадилар), аммо (таҳоратни) мукаммал қилдилар. Сўнг туриб намоз ўқидилар. Мен у зотни кузатиб турган эдим, мени кўриб қолишларини ёқтирмай керишиб қўйдим. Сўнг туриб, у зот қилгандек қилдим ва у зотнинг чап томонларида турдим. Шунда у зот қулоғим томонидан ушлаб, мени айлантирдилар, натижада мен у зотнинг ўнг томонларида бўлдим — у зот намоз ўқиётган эдилар. У зотнинг намозлари ўн уч ракатга тўлди, улар ичида бомдоднинг икки ракати ҳам бор эди. Сўнг ёнбошлаб ухладилар, ҳатто хуррак отдилар. Сўнг Билол келиб, у зотни намозга чорлади. У зот туриб намоз ўқидилар, таҳорат қилмадилар.