Banu Hoshimning ozod qilingan quli Ammor (rahimahulloh)dan rivoyat qilinadi: Men Ibn Abbos (roziyallohu anhumo)dan: «Rasululloh ﷺ vafot etgan kuni necha yoshda edilar?» deb soʻradim. Shunda u: «Men oʻz qavmi ichida sendek kishiga bu narsa maxfiy qoladi deb oʻylamagan edim», dedi. (Ammor) dedi: Men: «Men soʻragan edim, (javoblar) menga ixtilofli boʻldi, shuning uchun bu haqda sening soʻzingni bilishni xohladim», dedim. (Ibn Abbos): «Hisoblay olasanmi?» dedi. Men: «Ha», dedim. U: «(Yodda) tut: qirq — unda paygʻambar qilib yuborildilar; oʻn besh — Makkada omonlik va qoʻrquvda turdilar; oʻn — Madinada muhojir boʻlib (turdilar)», dedi.Бану Ҳошимнинг озод қилинган қули Аммор (раҳимаҳуллоҳ)дан ривоят қилинади: Мен Ибн Аббос (розияллоҳу анҳумо)дан: «Расулуллоҳ ﷺ вафот этган куни неча ёшда эдилар?» деб сўрадим. Шунда у: «Мен ўз қавми ичида сендек кишига бу нарса махфий қолади деб ўйламаган эдим», деди. (Аммор) деди: Мен: «Мен сўраган эдим, (жавоблар) менга ихтилофли бўлди, шунинг учун бу ҳақда сенинг сўзингни билишни хоҳладим», дедим. (Ибн Аббос): «Ҳисоблай оласанми?» деди. Мен: «Ҳа», дедим. У: «(Ёдда) тут: қирқ — унда пайғамбар қилиб юборилдилар; ўн беш — Маккада омонлик ва қўрқувда турдилар; ўн — Мадинада муҳожир бўлиб (турдилар)», деди.