Solim ibn Abul-Jaʼd aytdi: Bir kishi Ibn Abbosning huzuriga kelib: «Ey Ibn Abbos, moʻminni oʻldirgan kishi haqida nima deysan?» dedi. Ibn Abbos: {Uning jazosi — jahannam boʻlib, unda abadiy qoluvchidir} — oyatning oxirigacha (oʻqidi). U: «Ey Ibn Abbos, agar u tavba qilsa, iymon keltirsa va solih amal qilsa-chi?» dedi. U: «Onasi uni yoʻqotsin! Unga qayerdan tavba boʻlsin?! Holbuki Rasululloh ﷺ: ‹Albatta, oʻldirilgan kishi qiyomat kuni boshini oʻng qoʻlida — yoki chap qoʻlida, dedi — ushlagan, ikkinchi qoʻli bilan sohibini tutgan, boʻyin tomirlaridan qon otilib turgan holda Rahmonning arshi oldiga keladi va: Ey Robbim, mana bundan soʻra, nima uchun meni oʻldirdi? — deydi›, deganlar», dedi.Солим ибн Абул-Жаъд айтди: Бир киши Ибн Аббоснинг ҳузурига келиб: «Эй Ибн Аббос, мўминни ўлдирган киши ҳақида нима дейсан?» деди. Ибн Аббос: {Унинг жазоси — жаҳаннам бўлиб, унда абадий қолувчидир} — оятнинг охиригача (ўқиди). У: «Эй Ибн Аббос, агар у тавба қилса, иймон келтирса ва солиҳ амал қилса-чи?» деди. У: «Онаси уни йўқотсин! Унга қаердан тавба бўлсин?! Ҳолбуки Расулуллоҳ ﷺ: ‹Албатта, ўлдирилган киши қиёмат куни бошини ўнг қўлида — ёки чап қўлида, деди — ушлаган, иккинчи қўли билан соҳибини тутган, бўйин томирларидан қон отилиб турган ҳолда Раҳмоннинг арши олдига келади ва: Эй Роббим, мана бундан сўра, нима учун мени ўлдирди? — дейди›, деганлар», деди.