Ibn Abbos (roziyallohu anhumo)dan rivoyat qilinadi: Rasululloh ﷺ: «Birinchi inkor qilgan kishi Odam boʻldi», dedilar — buni uch marta aytdilar. — «Alloh uni yaratganida, orqasini siladi va uning zurriyotini chiqarib, ularni unga koʻrsatdi. U ular orasida nur sochib turgan bir kishini koʻrdi-da: ‹Ey Robbim, bu kim?› dedi. (Alloh:) ‹Bu oʻgʻling Dovud›, dedi. U: ‹Umri qancha?› dedi. (Alloh:) ‹Oltmish (yil)›, dedi. U: ‹Ey Robbim, uning umriga ziyoda qil›, dedi. (Alloh:) ‹Yoʻq, magar oʻz umringdan unga ziyoda qilsang (boshqa)›, dedi. Shunda u oʻz umridan unga qirq yil ziyoda qildi. Alloh bu haqda unga bir hujjat yozdi va unga farishtalarni guvoh qildi. Uning ruhini olmoqchi boʻlganida, u: ‹Ajalimdan qirq (yil) qoldi-ku›, dedi. Unga: ‹Sen uni oʻgʻling Dovudga bergan eding›, deyildi. U esa inkor qildi. Shunda Alloh azza va jalla hujjatni chiqarib, unga qarshi dalil keltirdi. Bas, (Alloh) Dovud alayhissalomga yuz yilni toʻliq qildi va Odam alayhissalomga ham umrini ming yil qilib toʻldirdi», dedilar.Ибн Аббос (розияллоҳу анҳумо)дан ривоят қилинади: Расулуллоҳ ﷺ: «Биринчи инкор қилган киши Одам бўлди», дедилар — буни уч марта айтдилар. — «Аллоҳ уни яратганида, орқасини силади ва унинг зурриётини чиқариб, уларни унга кўрсатди. У улар орасида нур сочиб турган бир кишини кўрди-да: ‹Эй Роббим, бу ким?› деди. (Аллоҳ:) ‹Бу ўғлинг Довуд›, деди. У: ‹Умри қанча?› деди. (Аллоҳ:) ‹Олтмиш (йил)›, деди. У: ‹Эй Роббим, унинг умрига зиёда қил›, деди. (Аллоҳ:) ‹Йўқ, магар ўз умрингдан унга зиёда қилсанг (бошқа)›, деди. Шунда у ўз умридан унга қирқ йил зиёда қилди. Аллоҳ бу ҳақда унга бир ҳужжат ёзди ва унга фаришталарни гувоҳ қилди. Унинг руҳини олмоқчи бўлганида, у: ‹Ажалимдан қирқ (йил) қолди-ку›, деди. Унга: ‹Сен уни ўғлинг Довудга берган эдинг›, дейилди. У эса инкор қилди. Шунда Аллоҳ азза ва жалла ҳужжатни чиқариб, унга қарши далил келтирди. Бас, (Аллоҳ) Довуд алайҳиссаломга юз йилни тўлиқ қилди ва Одам алайҳиссаломга ҳам умрини минг йил қилиб тўлдирди», дедилар.