حَدَّثَنَا مُعَاوِيَةُ بْنُ عَمْرٍو حَدَّثَنَا أَبُو إِسْحَاقَ عَنْ سُفْيَانَ عَنْ أَبِي إِسْحَاقَ عَنْ أَبِي عُبَيْدَةَ عَنْ ابْنِ مَسْعُودٍ قَالَأَتَيْتُ النَّبِيَّ صَلَّى اللَّهُ عَلَيْهِ وَسَلَّمَ يَوْمَ بَدْرٍ فَقُلْتُ قَتَلْتُ أَبَا جَهْلٍ قَالَ آللَّهِ الَّذِي لَا إِلَهَ إِلَّا هُوَ قَالَ قُلْتُ آللَّهِ الَّذِي لَا إِلَهَ إِلَّا هُوَ فَرَدَّدَهَا ثَلَاثًا قَالَ اللَّهُ أَكْبَرُ الْحَمْدُ لِلَّهِ الَّذِي صَدَقَ وَعْدَهُ وَنَصَرَ عَبْدَهُ وَهَزَمَ الْأَحْزَابَ وَحْدَهُ انْطَلِقْ فَأَرِنِيهِ فَانْطَلَقْنَا فَإِذَا بِهِ فَقَالَ هَذَا فِرْعَوْنُ هَذِهِ الْأُمَّةِ
Ibn Masʼud (roziyallohu anhu) aytdi: Badr kuni Nabiy ﷺ huzurlariga kelib: «Abu Jahlni oʻldirdim», dedim. U zot: «Undan boʻlak iloh boʻlmagan Allohga qasammi?» dedilar. Men: «Undan boʻlak iloh boʻlmagan Allohga qasam», dedim. U zot buni uch marta takrorladilar. Soʻng: «Allohu akbar! Vaʼdasini rost qilgan, bandasiga nusrat bergan va yolgʻiz Oʻzi (dushman) guruhlarni magʻlub etgan Allohga hamd boʻlsin. Yur, uni menga koʻrsat», dedilar. Bas, bordik, u oʻsha yerda edi. Shunda u zot: «Bu — mana shu ummatning Firʼavnidir», dedilar.Ибн Масъуд (розияллоҳу анҳу) айтди: Бадр куни Набий ﷺ ҳузурларига келиб: «Абу Жаҳлни ўлдирдим», дедим. У зот: «Ундан бўлак илоҳ бўлмаган Аллоҳга қасамми?» дедилар. Мен: «Ундан бўлак илоҳ бўлмаган Аллоҳга қасам», дедим. У зот буни уч марта такрорладилар. Сўнг: «Аллоҳу акбар! Ваъдасини рост қилган, бандасига нусрат берган ва ёлғиз Ўзи (душман) гуруҳларни мағлуб этган Аллоҳга ҳамд бўлсин. Юр, уни менга кўрсат», дедилар. Бас, бордик, у ўша ерда эди. Шунда у зот: «Бу — мана шу умматнинг Фиръавнидир», дедилар.