Nofeʼ (rahimahulloh) rivoyat qiladi: Ibn Umarning huzuriga oʻgʻli Abdulloh ibn Abdulloh kirdi, uning ulovi hovlida edi. U: «Men shu yili odamlar orasida jang boʻlib, sizni Kaʼbaga borishdan toʻsib qoʻyishlaridan qoʻrqaman. Koshki shu yerda qolsangiz», dedi. Ibn Umar: «Rasululloh ﷺ (safarga) chiqqan edilar, Quraysh kofirlari u zot bilan Kaʼba orasiga toʻsiq boʻldi. Bas, agar men bilan uning orasiga toʻsiq boʻlinsa, men ham Rasululloh ﷺ qilganlaridek qilaman», dedi va: «Albatta, sizlar uchun Allohning Rasulida goʻzal namuna bor» (oyatini oʻqidi). Soʻng: «Men umrani oʻzimga vojib qildim», dedi. Keyin yoʻlga chiqdi va Baydoga yetganida: «Men bu ikkovining ishini bir deb bilaman. Sizlarni guvoh qilamanki, umram bilan birga hajni ham vojib qildim», dedi. Soʻng (Makkaga) kelib, ikkovi uchun bitta tavof qildi.Нофеъ (раҳимаҳуллоҳ) ривоят қилади: Ибн Умарнинг ҳузурига ўғли Абдуллоҳ ибн Абдуллоҳ кирди, унинг улови ҳовлида эди. У: «Мен шу йили одамлар орасида жанг бўлиб, сизни Каъбага боришдан тўсиб қўйишларидан қўрқаман. Кошки шу ерда қолсангиз», деди. Ибн Умар: «Расулуллоҳ ﷺ (сафарга) чиққан эдилар, Қурайш кофирлари у зот билан Каъба орасига тўсиқ бўлди. Бас, агар мен билан унинг орасига тўсиқ бўлинса, мен ҳам Расулуллоҳ ﷺ қилганларидек қиламан», деди ва: «Албатта, сизлар учун Аллоҳнинг Расулида гўзал намуна бор» (оятини ўқиди). Сўнг: «Мен умрани ўзимга вожиб қилдим», деди. Кейин йўлга чиқди ва Байдога етганида: «Мен бу икковининг ишини бир деб биламан. Сизларни гувоҳ қиламанки, умрам билан бирга ҳажни ҳам вожиб қилдим», деди. Сўнг (Маккага) келиб, иккови учун битта тавоф қилди.