Nofeʼ aytdi: Ibn Umar (roziyallohu anhumo) umra qilish niyatida chiqdi. Unga Makkada bir (notinch) ish borligini xabar qilishdi. U: «Men umraga ehrom bogʻlayman; agar toʻsib qoʻyilsam, Rasululloh ﷺ qilgandek qilaman», dedi va umraga ehrom bogʻladi. Bir oz yurgach, Baydoda turib: «Umraning yoʻli hajning yoʻlidan boshqa emas, men (oʻzimga) hajni vojib qilaman», dedi va: «Sizlarni guvoh qilamanki, men hajni vojib qildim, zero hajning yoʻli umraning yoʻlidir», dedi. Soʻng Makkaga kelib, Baytni yetti marta tavof qildi, Safo bilan Marva orasida ham yetti marta (saʼy) qildi va: «Men Rasululloh ﷺni shunday qilayotganlarini koʻrdim», dedi. U Qudaydga kelib, bir qurbonlik (hadiy) sotib oldi va uni oʻzi bilan haydab keldi.Нофеъ айтди: Ибн Умар (розияллоҳу анҳумо) умра қилиш ниятида чиқди. Унга Маккада бир (нотинч) иш борлигини хабар қилишди. У: «Мен умрага эҳром боғлайман; агар тўсиб қўйилсам, Расулуллоҳ ﷺ қилгандек қиламан», деди ва умрага эҳром боғлади. Бир оз юргач, Байдода туриб: «Умранинг йўли ҳажнинг йўлидан бошқа эмас, мен (ўзимга) ҳажни вожиб қиламан», деди ва: «Сизларни гувоҳ қиламанки, мен ҳажни вожиб қилдим, зеро ҳажнинг йўли умранинг йўлидир», деди. Сўнг Маккага келиб, Байтни етти марта тавоф қилди, Сафо билан Марва орасида ҳам етти марта (саъй) қилди ва: «Мен Расулуллоҳ ﷺни шундай қилаётганларини кўрдим», деди. У Қудайдга келиб, бир қурбонлик (ҳадий) сотиб олди ва уни ўзи билан ҳайдаб келди.