Abu Hurayra (roziyallohu anhu)dan rivoyat qilinadi: Rasululloh ﷺning huzurlariga bir necha ayol kelib: «Yo Rasululloh, majlisingizda erkaklar (koʻpligi sababli) sizga yeta olmayapmiz; bizga oʻzingizdan bir kun vaʼda qiling, oʻsha kuni oldingizga kelaylik», dedilar. U zot: «Vaʼda joyingiz — falonchining uyi», dedilar va oʻsha kuni, oʻsha vaʼdaga koʻra ularning oldiga bordilar. (Roviy) dedi: U zotning ularga aytgan (soʻz)laridan biri shu edi: «Qaysi bir ayol (Allohdan) ajr umid qilib, uch farzandini oʻzidan oldin (oxiratga) joʻnatsa, albatta jannatga kiradi». Ulardan bir ayol: «Yoki ikkitasinimi?» dedi. U zot: «Yoki ikkitasini», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺнинг ҳузурларига бир неча аёл келиб: «Ё Расулуллоҳ, мажлисингизда эркаклар (кўплиги сабабли) сизга ета олмаяпмиз; бизга ўзингиздан бир кун ваъда қилинг, ўша куни олдингизга келайлик», дедилар. У зот: «Ваъда жойингиз — фалончининг уйи», дедилар ва ўша куни, ўша ваъдага кўра уларнинг олдига бордилар. (Ровий) деди: У зотнинг уларга айтган (сўз)ларидан бири шу эди: «Қайси бир аёл (Аллоҳдан) ажр умид қилиб, уч фарзандини ўзидан олдин (охиратга) жўнатса, албатта жаннатга киради». Улардан бир аёл: «Ёки иккитасиними?» деди. У зот: «Ёки иккитасини», дедилар.