Muhammad ibn Siriyn aytdi: Men Abu Hurayra (roziyallohu anhu)ning shunday deyayotganini eshitdim: U zot ﷺ kunduzning oxirgi ikki namozidan birini — yo peshinni, gumonimning koʻpi esa: asrni — oʻqib, ikki rakatda salom berdilar. Soʻng oʻzi tomon (yuzlanib) namoz oʻqiydigan xurmo ustuniga kelib, gʻazablangan holda uning yoniga oʻtirdilar. Sufyon: «Soʻng qibla tomondagi, oʻzi orqasini suyaydigan ustunga kelib, unga orqalarini suyadilar», dedi. (Roviy) dedi: Soʻng odamlarning shoshqaloqlari chiqib: «Namoz qisqartirildi», deyishdi. Qavm orasida Abu Bakr bilan Umar ham bor edi. U zot: «Qisqartirilgani ham yoʻq, men unutganim ham yoʻq», dedilar. (Kishi): «Siz ikki rakatdan boʻlak oʻqimadingiz», dedi. (Roviy) dedi: Shunda Rasululloh ﷺ (odamlarga) qaradilar, ular: «Ha», deyishdi. Bas, u zot turib, ikki rakat oʻqidilar, soʻng salom berdilar, soʻng takbir aytib, (odatdagi) sajdalari kabi yoki undan uzunroq sajda qildilar, soʻng (boshlarini) koʻtarib takbir aytdilar, soʻng sajda qilib takbir aytdilar.Муҳаммад ибн Сирийн айтди: Мен Абу Ҳурайра (розияллоҳу анҳу)нинг шундай деяётганини эшитдим: У зот ﷺ кундузнинг охирги икки намозидан бирини — ё пешинни, гумонимнинг кўпи эса: асрни — ўқиб, икки ракатда салом бердилар. Сўнг ўзи томон (юзланиб) намоз ўқийдиган хурмо устунига келиб, ғазабланган ҳолда унинг ёнига ўтирдилар. Суфён: «Сўнг қибла томондаги, ўзи орқасини суяйдиган устунга келиб, унга орқаларини суядилар», деди. (Ровий) деди: Сўнг одамларнинг шошқалоқлари чиқиб: «Намоз қисқартирилди», дейишди. Қавм орасида Абу Бакр билан Умар ҳам бор эди. У зот: «Қисқартирилгани ҳам йўқ, мен унутганим ҳам йўқ», дедилар. (Киши): «Сиз икки ракатдан бўлак ўқимадингиз», деди. (Ровий) деди: Шунда Расулуллоҳ ﷺ (одамларга) қарадилар, улар: «Ҳа», дейишди. Бас, у зот туриб, икки ракат ўқидилар, сўнг салом бердилар, сўнг такбир айтиб, (одатдаги) саждалари каби ёки ундан узунроқ сажда қилдилар, сўнг (бошларини) кўтариб такбир айтдилар, сўнг сажда қилиб такбир айтдилар.