وَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ غَزَا نَبِيٌّ مِنْ الْأَنْبِيَاءِ فَقَالَ لِقَوْمِهِ لَا يَتَّبِعْنِي رَجُلٌ قَدْ مَلَكَ بُضْعَ امْرَأَةٍ وَهُوَ يُرِيدُ أَنْ يَبْنِيَ بِهَا وَلَمْ يَبْنِ وَلَا أَحَدٌ قَدْ بَنَى بُنْيَانًا وَلَمَّا يَرْفَعْ سُقُفَهَا وَلَا أَحَدٌ قَدْ اشْتَرَى غَنَمًا أَوْ خَلِفَاتٍ وَهُوَ يَنْتَظِرُ أَوْلَادَهَا فَغَزَا فَدَنَا مِنْ الْقَرْيَةِ حِينَ صَلَاةِ الْعَصْرِ أَوْ قَرِيبًا مِنْ ذَلِكَ فَقَالَ لِلشَّمْسِ أَنْتِ مَأْمُورَةٌ وَأَنَا مَأْمُورٌ اللَّهُمَّ احْبِسْهَا عَلَيَّ شَيْئًا فَحُبِسَتْ عَلَيْهِ حَتَّى فَتَحَ اللَّهُ عَلَيْهِ فَجَمَعُوا مَا غَنِمُوا فَأَقْبَلَتْ النَّارُ لِتَأْكُلَهُ فَأَبَتْ أَنْ تَطْعَمَ فَقَالَ فِيكُمْ غُلُولٌ فَلْيُبَايِعْنِي مِنْ كُلِّ قَبِيلَةٍ رَجُلٌ فَبَايَعُوهُ فَلَصِقَتْ يَدُ رَجُلٍ بِيَدِهِ فَقَالَ فِيكُمْ الْغُلُولُ فَلْتُبَايِعْنِي قَبِيلَتُكَ فَبَايَعَتْهُ قَبِيلَتُهُ قَالَ فَلَصِقَ بِيَدِ رَجُلَيْنِ أَوْ ثَلَاثَةٍ بِيَدِهِ فَقَالَ فِيكُمْ الْغُلُولُ أَنْتُمْ غَلَلْتُمْ فَأَخْرَجُوا لَهُ مِثْلَ رَأْسِ بَقَرَةٍ مِنْ ذَهَبٍ قَالَ فَوَضَعُوهُ فِي الْمَالِ وَهُوَ بِالصَّعِيدِ فَأَقْبَلَتْ النَّارُ فَأَكَلَتْهُ فَلَمْ تَحِلَّ الْغَنَائِمُ لِأَحَدٍ مِنْ قَبْلِنَا ذَلِكَ لِأَنَّ اللَّهَ عَزَّ وَجَلَّ رَأَى ضَعْفَنَا وَعَجْزَنَا فَطَيَّبَهَا لَنَا
Abu Hurayra (roziyallohu anhu)dan rivoyat qilinadi: Rasululloh ﷺ aytdilar: «Paygʻambarlardan biri gʻazotga chiqdi. Shunda u oʻz qavmiga: ‹Bir ayolni nikohlagan-u, hali u bilan qoʻshilmagan va qoʻshilishni istab turgan kishi menga ergashmasin; uy qurgan-u, hali tomini yopmagan kishi ham (ergashmasin); qoʻy yoki bugʻoz (homilador) tuyalar sotib olgan-u, ularning tugʻishini kutib turgan kishi ham (ergashmasin)›, dedi. (Paygʻambar) gʻazotga chiqdi. Asr namozi vaqtida yoki shunga yaqin paytda qishloqqa yaqinlashdi. Shunda quyoshga qarab: ‹Sen (Alloh tomonidan) buyurilgansan, men ham buyurilganman. Allohim, uni men uchun (botishdan) ozgina toʻxtatib turgin›, dedi. Shunda Alloh unga (qishloqni) fath qilib bergunicha, (quyosh) uning uchun toʻxtatib turildi. Soʻng ular oʻlja qilgan narsalarini bir joyga toʻplashdi. Shunda (osmondan) olov yaqinlashib, uni yegani keldi, biroq uni yeyishdan bosh tortdi. (Paygʻambar): ‹Sizlardan biror kishi (oʻljadan) xiyonat qilib olgan. Har qabiladan bir kishi menga bayʼat bersin›, dedi. Ular unga bayʼat berishdi. Shunda bir kishining qoʻli uning qoʻliga yopishib qoldi. (Paygʻambar): ‹Xiyonat sizlarning (qabilangizda). Sening qabilang menga bayʼat bersin›, dedi. Qabilasi unga bayʼat berdi. Shunda (uning qoʻli) ikki yoki uch kishining qoʻliga yopishib qoldi. (Paygʻambar): ‹Xiyonat sizlarning (oranglarda), sizlar xiyonat qilgansizlar›, dedi. Shunda ular unga sigirning boshicha keladigan tilladan (xiyonat qilib olgan narsani) chiqarib berishdi. Uni mol (oʻlja) ichiga qoʻyishdi, u ochiq joyda edi. Shunda olov yaqinlashib, uni yeb yubordi. Bizdan oldin oʻlja hech kimga halol qilinmagan edi. Bu — aziz va jalil Alloh bizning zaifligimiz va ojizligimizni koʻrib, uni bizga pok (halol) qilib qoʻygani sababidandir», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ айтдилар: «Пайғамбарлардан бири ғазотга чиқди. Шунда у ўз қавмига: ‹Бир аёлни никоҳлаган-у, ҳали у билан қўшилмаган ва қўшилишни истаб турган киши менга эргашмасин; уй қурган-у, ҳали томини ёпмаган киши ҳам (эргашмасин); қўй ёки буғоз (ҳомиладор) туялар сотиб олган-у, уларнинг туғишини кутиб турган киши ҳам (эргашмасин)›, деди. (Пайғамбар) ғазотга чиқди. Аср намози вақтида ёки шунга яқин пайтда қишлоққа яқинлашди. Шунда қуёшга қараб: ‹Сен (Аллоҳ томонидан) буюрилгансан, мен ҳам буюрилганман. Аллоҳим, уни мен учун (ботишдан) озгина тўхтатиб тургин›, деди. Шунда Аллоҳ унга (қишлоқни) фатҳ қилиб бергунича, (қуёш) унинг учун тўхтатиб турилди. Сўнг улар ўлжа қилган нарсаларини бир жойга тўплашди. Шунда (осмондан) олов яқинлашиб, уни егани келди, бироқ уни ейишдан бош тортди. (Пайғамбар): ‹Сизлардан бирор киши (ўлжадан) хиёнат қилиб олган. Ҳар қабиладан бир киши менга байъат берсин›, деди. Улар унга байъат беришди. Шунда бир кишининг қўли унинг қўлига ёпишиб қолди. (Пайғамбар): ‹Хиёнат сизларнинг (қабилангизда). Сенинг қабиланг менга байъат берсин›, деди. Қабиласи унга байъат берди. Шунда (унинг қўли) икки ёки уч кишининг қўлига ёпишиб қолди. (Пайғамбар): ‹Хиёнат сизларнинг (орангларда), сизлар хиёнат қилгансизлар›, деди. Шунда улар унга сигирнинг бошича келадиган тилладан (хиёнат қилиб олган нарсани) чиқариб беришди. Уни мол (ўлжа) ичига қўйишди, у очиқ жойда эди. Шунда олов яқинлашиб, уни еб юборди. Биздан олдин ўлжа ҳеч кимга ҳалол қилинмаган эди. Бу — азиз ва жалил Аллоҳ бизнинг заифлигимиз ва ожизлигимизни кўриб, уни бизга пок (ҳалол) қилиб қўйгани сабабидандир», дедилар.