Abu Hurayra (roziyallohu anhu)dan rivoyat qilinadiki, u Nabiy ﷺning huzurlariga kelib: «Men Sizni koʻrsam, koʻnglim yayraydi va koʻzim quvonadi. Menga har bir narsa haqida xabar bering», dedi. U zot: «Har bir narsani Alloh azza va jalla suvdan yaratgan», dedilar. U: «Menga shunday bir ishdan xabar beringki, uni tutsam, jannatga kiray», dedi. U zot: «Salomni yoy, taom yedir, qarindoshlik rishtalarini ula va odamlar uxlab yotganda namoz oʻqi, soʻng jannatga omonlik bilan kir», dedilar. Abdus Samad: «Va menga har bir narsadan xabar bering», dedi. Boshqa bir sanad bilan ham Abu Hurayradan uning Nabiy ﷺga: «Sizni koʻrsam, koʻnglim yayrab, koʻzim quvonadi, menga har bir narsadan xabar bering», deb aytgani rivoyat qilinib, soʻng shu maʼno zikr qilingan.Абу Ҳурайра (розияллоҳу анҳу)дан ривоят қилинадики, у Набий ﷺнинг ҳузурларига келиб: «Мен Сизни кўрсам, кўнглим яйрайди ва кўзим қувонади. Менга ҳар бир нарса ҳақида хабар беринг», деди. У зот: «Ҳар бир нарсани Аллоҳ азза ва жалла сувдан яратган», дедилар. У: «Менга шундай бир ишдан хабар берингки, уни тутсам, жаннатга кирай», деди. У зот: «Саломни ёй, таом едир, қариндошлик ришталарини ула ва одамлар ухлаб ётганда намоз ўқи, сўнг жаннатга омонлик билан кир», дедилар. Абдус Самад: «Ва менга ҳар бир нарсадан хабар беринг», деди. Бошқа бир санад билан ҳам Абу Ҳурайрадан унинг Набий ﷺга: «Сизни кўрсам, кўнглим яйраб, кўзим қувонади, менга ҳар бир нарсадан хабар беринг», деб айтгани ривоят қилиниб, сўнг шу маъно зикр қилинган.