Abu Hurayra (roziyallohu anhu) aytdi: Rasululloh ﷺ: «Bir-biringizga adovat qilmanglar, bir-biringizga hasad qilmanglar, narxni sunʼiy koʻtarmanglar, bir-biringizga orqa oʻgirmanglar va Allohning bandalari boʻlib, oʻzaro birodar boʻlinglar. Shaharlik kishi sahrolik uchun sotmasin, savdo qilib kelayotganlarni (yoʻlda) qarshi olmanglar. Qaysi bir kishi qoʻy sotib olib, uni suti toʻplab qoʻyilgan holda topsa, uni qaytarsin va u bilan birga bir soʼ xurmo ham qaytarsin. Biringiz oʻz birodarining savdosi ustiga savdolashmasin, uning sovchiligi ustiga sovchilik qilmasin. Ayol oʻz idishidagini toʻntarib olish uchun opa-singlisining taloq qilinishini soʻramasin, chunki uning rizqi Alloh azza va jallaning zimmasidadir», dedilar.Абу Ҳурайра (розияллоҳу анҳу) айтди: Расулуллоҳ ﷺ: «Бир-бирингизга адоват қилманглар, бир-бирингизга ҳасад қилманглар, нархни сунъий кўтарманглар, бир-бирингизга орқа ўгирманглар ва Аллоҳнинг бандалари бўлиб, ўзаро биродар бўлинглар. Шаҳарлик киши саҳролик учун сотмасин, савдо қилиб келаётганларни (йўлда) қарши олманглар. Қайси бир киши қўй сотиб олиб, уни сути тўплаб қўйилган ҳолда топса, уни қайтарсин ва у билан бирга бир сў хурмо ҳам қайтарсин. Бирингиз ўз биродарининг савдоси устига савдолашмасин, унинг совчилиги устига совчилик қилмасин. Аёл ўз идишидагини тўнтариб олиш учун опа-синглисининг талоқ қилинишини сўрамасин, чунки унинг ризқи Аллоҳ азза ва жалланинг зиммасидадир», дедилар.