Anas ibn Hakim az-Zabbiy (rahimahulloh)dan rivoyat qilinadiki, u Ziyoddan yoki Ibn Ziyoddan qoʻrqib, Madinaga keldi va Abu Hurayra (roziyallohu anhu) bilan uchrashdi. (Anas) aytadi: «(Abu Hurayra) mening nasabimni soʻradi, men unga nasabimni aytdim. Shunda u: ‹Ey yigit, senga bir hadisni soʻzlab bermaymi? Shoyad Alloh sen uchun undan foyda bersa›, dedi. Men: ‹Albatta (soʻzlab bering), Alloh sizga rahm qilsin›, dedim». (Abu Hurayra) dedi: «Albatta, qiyomat kuni odamlar amallaridan eng avval hisob-kitob qilinadigani namozdir. Rabbimiz azza va jalla — U eng yaxshi biluvchi boʻlsa-da — farishtalariga aytadi: ‹Bandamning namoziga qaranglar, uni toʻkis qildimi yoki kamaytirdimi?› Bas, agar (namozi) toʻkis boʻlsa, unga toʻkis (qilib) yoziladi. Agar undan biror narsani kamaytirgan boʻlsa: ‹Bandamning nafl (namozi) bormi, qaranglar›, deydi. Bas, agar uning nafli boʻlsa: ‹Bandamning farzini nafllaridan toʻldiringlar›, deydi. Soʻngra amallar shu (tartib) asosida olinadi». Yunus aytdi: Oʻylaymanki, u Nabiy ﷺni zikr qildi.Анас ибн Ҳаким аз-Заббий (раҳимаҳуллоҳ)дан ривоят қилинадики, у Зиёддан ёки Ибн Зиёддан қўрқиб, Мадинага келди ва Абу Ҳурайра (розияллоҳу анҳу) билан учрашди. (Анас) айтади: «(Абу Ҳурайра) менинг насабимни сўради, мен унга насабимни айтдим. Шунда у: ‹Эй йигит, сенга бир ҳадисни сўзлаб бермайми? Шояд Аллоҳ сен учун ундан фойда берса›, деди. Мен: ‹Албатта (сўзлаб беринг), Аллоҳ сизга раҳм қилсин›, дедим». (Абу Ҳурайра) деди: «Албатта, қиёмат куни одамлар амалларидан энг аввал ҳисоб-китоб қилинадигани намоздир. Раббимиз азза ва жалла — У энг яхши билувчи бўлса-да — фаришталарига айтади: ‹Бандамнинг намозига қаранглар, уни тўкис қилдими ёки камайтирдими?› Бас, агар (намози) тўкис бўлса, унга тўкис (қилиб) ёзилади. Агар ундан бирор нарсани камайтирган бўлса: ‹Бандамнинг нафл (намози) борми, қаранглар›, дейди. Бас, агар унинг нафли бўлса: ‹Бандамнинг фарзини нафлларидан тўлдиринглар›, дейди. Сўнгра амаллар шу (тартиб) асосида олинади». Юнус айтди: Ўйлайманки, у Набий ﷺни зикр қилди.