Usmon ibn Affon (roziyallohu anhu)dan rivoyat qilinadi: U qamalda qolgan chogʻida qasrdan qarab turib dedi: «Alloh nomi bilan soʻrayman, Hiro kunida togʻ silkinganda Rasululloh ﷺ bilan birga boʻlgan kishi bormi? Oʻshanda u zot togʻni oyoqlari bilan turtib: ‹Tinchlan, ey Hiro! Sening ustingda Nabiy, Siddiq yoki shahiddan boshqasi yoʻq›, degan edilar, men ham u zot bilan birga edim.» Shunda bir necha kishilar bunga guvohlik berishdi. U yana dedi: «Alloh nomi bilan soʻrayman, Rizvon bayati kunida Rasululloh ﷺ meni mushriklar — Makka ahli oldiga yuborganlarida hozir boʻlgan kishi bormi? Oʻshanda u zot: ‹Mana bu mening qoʻlim, mana bu Usmonning qoʻli›, deb men uchun bayat qildilar.» Shunda bir necha kishilar bunga guvohlik berishdi. U yana dedi: «Alloh nomi bilan soʻrayman, Rasululloh ﷺ: ‹Kim masjidga bu uy oʻrnini kengaytirib bersa, jannatda unga bir uy bor›, deganlarida hozir boʻlgan kishi bormi? Men uni oʻz molimdan sotib olib, masjidni u bilan kengaytirdim.» Shunda bir necha kishilar bunga guvohlik berishdi. U yana dedi: «Alloh nomi bilan soʻrayman, qiyinchilik lashkari kunida Rasululloh ﷺ: ‹Kim bugun qabul boʻladigan bir nafaqa qilsa›, deganlarida hozir boʻlgan kishi bormi? Men lashkarning yarmini oʻz molimdan jihozladim.» Shunda bir necha kishilar bunga guvohlik berishdi. U yana dedi: «Alloh nomi bilan soʻrayman, Ruma qudugʻining suvi yoʻlovchiga sotilayotganini koʻrgan kishi bormi? Men uni oʻz molimdan sotib olib, yoʻlovchilarga bepul qilib berdim.» Shunda bir necha kishilar bunga guvohlik berishdi.Усмон ибн Аффон (розияллоҳу анҳу)дан ривоят қилинади: У қамалда қолган чоғида қасрдан қараб туриб деди: «Аллоҳ номи билан сўрайман, Ҳиро кунида тоғ силкинганда Расулуллоҳ ﷺ билан бирга бўлган киши борми? Ўшанда у зот тоғни оёқлари билан туртиб: ‹Тинчлан, эй Ҳиро! Сенинг устингда Набий, Сиддиқ ёки шаҳиддан бошқаси йўқ›, деган эдилар, мен ҳам у зот билан бирга эдим.» Шунда бир неча кишилар бунга гувоҳлик беришди. У яна деди: «Аллоҳ номи билан сўрайман, Ризвон баяти кунида Расулуллоҳ ﷺ мени мушриклар — Макка аҳли олдига юборганларида ҳозир бўлган киши борми? Ўшанда у зот: ‹Мана бу менинг қўлим, мана бу Усмоннинг қўли›, деб мен учун баят қилдилар.» Шунда бир неча кишилар бунга гувоҳлик беришди. У яна деди: «Аллоҳ номи билан сўрайман, Расулуллоҳ ﷺ: ‹Ким масжидга бу уй ўрнини кенгайтириб берса, жаннатда унга бир уй бор›, деганларида ҳозир бўлган киши борми? Мен уни ўз молимдан сотиб олиб, масжидни у билан кенгайтирдим.» Шунда бир неча кишилар бунга гувоҳлик беришди. У яна деди: «Аллоҳ номи билан сўрайман, қийинчилик лашкари кунида Расулуллоҳ ﷺ: ‹Ким бугун қабул бўладиган бир нафақа қилса›, деганларида ҳозир бўлган киши борми? Мен лашкарнинг ярмини ўз молимдан жиҳозладим.» Шунда бир неча кишилар бунга гувоҳлик беришди. У яна деди: «Аллоҳ номи билан сўрайман, Рума қудуғининг суви йўловчига сотилаётганини кўрган киши борми? Мен уни ўз молимдан сотиб олиб, йўловчиларга бепул қилиб бердим.» Шунда бир неча кишилар бунга гувоҳлик беришди.