Abu Said (roziyallohu anhu)dan rivoyat qilinadi: Bir kishi juma kuni masjidga kirdi, Nabiy ﷺ minbarda edilar. U zot uni chaqirib, ikki rakʼat namoz oʻqishga buyurdilar. Soʻng u ikkinchi jumada kirdi, Rasululloh ﷺ minbarda edilar; u zot uni chaqirib, (yana) buyurdilar. Soʻng uchinchi jumada kirdi, u zot uni ikki rakʼat oʻqishga buyurdilar. Keyin: «Sadaqa qilinglar», dedilar; ular sadaqa qilishdi. U zot sadaqa qilganlaridan unga ikki kiyim berdilar. Soʻng yana: «Sadaqa qilinglar», dedilar; shunda u ikki kiyimidan birini (sadaqaga) tashladi. Rasululloh ﷺ uni koyidilar va uning qilganini yoqtirmadilar. Soʻng: «Mana bunga qaranglar! U masjidga uvada holatda kirdi, men uni chaqirdim va sizlar unga berarsizlar, unga sadaqa qilib, uni kiyintirarsizlar deb umid qildim — ammo qilmadingiz. Shunda men: ‹Sadaqa qilinglar› dedim, sizlar sadaqa qildingiz; men esa sadaqa qilganlaringizdan unga ikki kiyim berdim. Soʻng: ‹Sadaqa qilinglar› dedim, u ikki kiyimidan birini tashladi. Kiyimingni ol!» dedilar va uni koyidilar.Абу Саид (розияллоҳу анҳу)дан ривоят қилинади: Бир киши жума куни масжидга кирди, Набий ﷺ минбарда эдилар. У зот уни чақириб, икки ракъат намоз ўқишга буюрдилар. Сўнг у иккинчи жумада кирди, Расулуллоҳ ﷺ минбарда эдилар; у зот уни чақириб, (яна) буюрдилар. Сўнг учинчи жумада кирди, у зот уни икки ракъат ўқишга буюрдилар. Кейин: «Садақа қилинглар», дедилар; улар садақа қилишди. У зот садақа қилганларидан унга икки кийим бердилар. Сўнг яна: «Садақа қилинглар», дедилар; шунда у икки кийимидан бирини (садақага) ташлади. Расулуллоҳ ﷺ уни койидилар ва унинг қилганини ёқтирмадилар. Сўнг: «Мана бунга қаранглар! У масжидга увада ҳолатда кирди, мен уни чақирдим ва сизлар унга берарсизлар, унга садақа қилиб, уни кийинтирарсизлар деб умид қилдим — аммо қилмадингиз. Шунда мен: ‹Садақа қилинглар› дедим, сизлар садақа қилдингиз; мен эса садақа қилганларингиздан унга икки кийим бердим. Сўнг: ‹Садақа қилинглар› дедим, у икки кийимидан бирини ташлади. Кийимингни ол!» дедилар ва уни койидилар.