Abu Said al-Xudriy (roziyallohu anhu) aytdi: Rasululloh ﷺ bizga Dajjol haqida uzun bir hadis aytib berdilar. U zot bizga aytib berayotgan (narsalari) orasida shu ham bor edi: «Dajjol keladi, ammo unga Madina darvozalaridan kirish harom qilingan. Oʻsha kuni uning oldiga bir kishi chiqadi — u odamlarning eng yaxshisi yoki eng yaxshilaridan biridir — va: ‹Men guvohlik beramanki, sen Rasululloh ﷺ bizga haqingda aytib bergan oʻsha Dajjolsan›, deydi. Shunda Dajjol: ‹Agar men buni oʻldirib, soʻng uni tiriltirsam, bu ishda shubha qilasizlarmi?› deydi. Ular: ‹Yoʻq›, deydilar. Bas, u uni oʻldiradi, soʻng tiriltiradi. U tirilganida: ‹Allohga qasamki, men sen haqingda hech qachon hozirgidan koʻra ochiqroq basiratda boʻlmaganman›, deydi. Shunda (Dajjol) uni ikkinchi marta oʻldirmoqchi boʻladi, ammo unga (bunday) qudrat berilmaydi», dedilar.Абу Саид ал-Худрий (розияллоҳу анҳу) айтди: Расулуллоҳ ﷺ бизга Дажжол ҳақида узун бир ҳадис айтиб бердилар. У зот бизга айтиб бераётган (нарсалари) орасида шу ҳам бор эди: «Дажжол келади, аммо унга Мадина дарвозаларидан кириш ҳаром қилинган. Ўша куни унинг олдига бир киши чиқади — у одамларнинг энг яхшиси ёки энг яхшиларидан биридир — ва: ‹Мен гувоҳлик бераманки, сен Расулуллоҳ ﷺ бизга ҳақингда айтиб берган ўша Дажжолсан›, дейди. Шунда Дажжол: ‹Агар мен буни ўлдириб, сўнг уни тирилтирсам, бу ишда шубҳа қиласизларми?› дейди. Улар: ‹Йўқ›, дейдилар. Бас, у уни ўлдиради, сўнг тирилтиради. У тирилганида: ‹Аллоҳга қасамки, мен сен ҳақингда ҳеч қачон ҳозиргидан кўра очиқроқ басиратда бўлмаганман›, дейди. Шунда (Дажжол) уни иккинчи марта ўлдирмоқчи бўлади, аммо унга (бундай) қудрат берилмайди», дедилар.