Abu Said al-Xudriy (roziyallohu anhu) aytdi: Biz bir manzilga tushdik. Oldimizga bir ayol kelib: «Qabila boshligʻini (chayon) chaqib oldi, sizlarda oʻqib davolaydigan kishi bormi?» dedi. Shunda biz ruqyani biladi deb oʻylamagan bir kishi u bilan turib bordi va unga oʻqidi, u tuzalib ketdi. Ular unga oʻttizta qoʻy berishdi va — oʻylashimcha, u shunday dedi — bizga sut ichirishdi. U bizning oldimizga qaytib kelganida, biz unga: «Sen ruqyani bilarmiding?» dedik. U: «Yoʻq, men unga faqat Fotihatul-kitobni oʻqidim», dedi. Men ularga: «Rasululloh ﷺning oldilariga borgunimizcha bularga hech narsa qilmanglar», dedim. Qaytib kelganimizda, Rasululloh ﷺning oldilariga bordik va men buni u zotga aytdim. U zot: «Uning ruqya ekanini qayerdan bildi? Ularni boʻlishib olinglar va menga ham oʻzlaringiz bilan bir ulush ajratinglar», dedilar.Абу Саид ал-Худрий (розияллоҳу анҳу) айтди: Биз бир манзилга тушдик. Олдимизга бир аёл келиб: «Қабила бошлиғини (чаён) чақиб олди, сизларда ўқиб даволайдиган киши борми?» деди. Шунда биз руқяни билади деб ўйламаган бир киши у билан туриб борди ва унга ўқиди, у тузалиб кетди. Улар унга ўттизта қўй беришди ва — ўйлашимча, у шундай деди — бизга сут ичиришди. У бизнинг олдимизга қайтиб келганида, биз унга: «Сен руқяни билармидинг?» дедик. У: «Йўқ, мен унга фақат Фотиҳатул-китобни ўқидим», деди. Мен уларга: «Расулуллоҳ ﷺнинг олдиларига боргунимизча буларга ҳеч нарса қилманглар», дедим. Қайтиб келганимизда, Расулуллоҳ ﷺнинг олдиларига бордик ва мен буни у зотга айтдим. У зот: «Унинг руқя эканини қаердан билди? Уларни бўлишиб олинглар ва менга ҳам ўзларингиз билан бир улуш ажратинглар», дедилар.