Anas ibn Molik (roziyallohu anhu)dan rivoyat qilinadi: Nabiy ﷺ Xaybarga tongda yetib bordilar. Ular belkuraklarini olib chiqqan edilar. U zotni koʻrishganda: «Muhammad va qoʻshin! Muhammad va qoʻshin!» deyishdi va qalʼa tomon yugurishga tushishdi. Rasululloh ﷺ ikki qoʻllarini koʻtardilar, soʻng uch marta takbir aytdilar, soʻng: «Xaybar vayron boʻldi! Albatta, biz bir qavmning maydoniga tushsak, ogohlantirilganlarning tongi qanday yomon boʻlur!» dedilar. Soʻng biz qishloqdan chiqib kelayotgan eshaklarni qoʻlga kiritdik va ularni pishirdik. Shunda Rasululloh ﷺ: «Albatta, aziz va ulugʻ Alloh hamda Uning Rasuli sizlarni uy eshaklaridan qaytaradilar, chunki u shaytonning ishidan boʻlgan nopoklikdir», dedilar. Sufyon: «‹Muhammad va xamis› — yaʼni qoʻshin, demoqchi», dedi.Анас ибн Молик (розияллоҳу анҳу)дан ривоят қилинади: Набий ﷺ Хайбарга тонгда етиб бордилар. Улар белкуракларини олиб чиққан эдилар. У зотни кўришганда: «Муҳаммад ва қўшин! Муҳаммад ва қўшин!» дейишди ва қалъа томон югуришга тушишди. Расулуллоҳ ﷺ икки қўлларини кўтардилар, сўнг уч марта такбир айтдилар, сўнг: «Хайбар вайрон бўлди! Албатта, биз бир қавмнинг майдонига тушсак, огоҳлантирилганларнинг тонги қандай ёмон бўлур!» дедилар. Сўнг биз қишлоқдан чиқиб келаётган эшакларни қўлга киритдик ва уларни пиширдик. Шунда Расулуллоҳ ﷺ: «Албатта, азиз ва улуғ Аллоҳ ҳамда Унинг Расули сизларни уй эшакларидан қайтарадилар, чунки у шайтоннинг ишидан бўлган нопокликдир», дедилар. Суфён: «‹Муҳаммад ва хамис› — яъни қўшин, демоқчи», деди.