Sobit aytdi: Anasga: «Ey Abu Hamza, bizga oʻzing guvoh boʻlgan, oʻzgadan rivoyat qilmaydigan mana shu ajoyibotlardan biror narsani soʻzlab ber», dedim. U dedi: Rasululloh ﷺ bir kuni peshin namozini oʻqidilar, soʻng borib, Jibril u zotning huzurlariga keladigan supalarga oʻtirdilar. Bilol kelib, u zotni asrga chaqirdi. Madinada ahli bor har bir kishi hojatini oʻtash va tahorat olish uchun turib ketdi; Madinada ahli boʻlmagan muhojirlardan bir necha kishi qoldi. Rasululloh ﷺga ichida suv boʻlgan keng ogʻizli bir qadah keltirildi. Rasululloh ﷺ kaftlarini idishga qoʻydilar, idish Rasululloh ﷺning kaftlarini butunlay sigʻdira olmadi. Shunda u zot mana bu toʻrt (barmoq)ni idishga qoʻyib: «Yaqin kelib, tahorat olinglar», dedilar; qoʻllari esa idishda edi. Bas, ular tahorat oldilar, hatto ulardan tahorat olmagan biror kishi qolmadi. Men: «Ey Abu Hamza, ularni qancha deb bilasan?» dedim. U: «Yetmish bilan sakson orasida», dedi. Boshqa rivoyatda ham shu maʼno zikr qilingan.Собит айтди: Анасга: «Эй Абу Ҳамза, бизга ўзинг гувоҳ бўлган, ўзгадан ривоят қилмайдиган мана шу ажойиботлардан бирор нарсани сўзлаб бер», дедим. У деди: Расулуллоҳ ﷺ бир куни пешин намозини ўқидилар, сўнг бориб, Жибрил у зотнинг ҳузурларига келадиган супаларга ўтирдилар. Билол келиб, у зотни асрга чақирди. Мадинада аҳли бор ҳар бир киши ҳожатини ўташ ва таҳорат олиш учун туриб кетди; Мадинада аҳли бўлмаган муҳожирлардан бир неча киши қолди. Расулуллоҳ ﷺга ичида сув бўлган кенг оғизли бир қадаҳ келтирилди. Расулуллоҳ ﷺ кафтларини идишга қўйдилар, идиш Расулуллоҳ ﷺнинг кафтларини бутунлай сиғдира олмади. Шунда у зот мана бу тўрт (бармоқ)ни идишга қўйиб: «Яқин келиб, таҳорат олинглар», дедилар; қўллари эса идишда эди. Бас, улар таҳорат олдилар, ҳатто улардан таҳорат олмаган бирор киши қолмади. Мен: «Эй Абу Ҳамза, уларни қанча деб биласан?» дедим. У: «Етмиш билан саксон орасида», деди. Бошқа ривоятда ҳам шу маъно зикр қилинган.