Anas (roziyallohu anhu)dan rivoyat qilinadiki, Ukl va Urayna (qabilasi)dan bir necha kishi Islomni (til bilan) izhor qilib, Rasululloh ﷺning huzurlariga keldilar va u zotga oʻzlari chorvador ekanliklarini, ekinzor ahlidan emasliklarini aytdilar hamda Madinaning isitmasidan shikoyat qildilar. Shunda Rasululloh ﷺ ularga (sogʻin) tuyalarni (berishga) buyurdilar va Madinadan chiqib, oʻsha tuyalarning suti hamda siydigidan ichishlarini amr qildilar. Ular joʻnab ketib, Harra tomonida boʻldilar. Soʻng Islomlaridan keyin kofir boʻldilar, Rasululloh ﷺning choʻponlarini oʻldirdilar va tuyalarni haydab ketdilar. Bu (xabar) Rasululloh ﷺga yetib bordi. U zot ularning izidan quvgʻinchi yubordilar va ular keltirildi. Bas, u zot ularning koʻzlariga mix tortdirdilar, qoʻl-oyoqlarini kesdirdilar; ular Harra tomonida tashlab qoʻyildi va u yerning toshlarini tishlagan holda oʻlib ketdilar. Qatoda aytdi: Bizga yetishicha, ular haqida shu oyat nozil boʻlgan: {Albatta, Alloh va Uning Rasuliga qarshi urush qiladiganlarning jazosi}.Анас (розияллоҳу анҳу)дан ривоят қилинадики, Укл ва Урайна (қабиласи)дан бир неча киши Исломни (тил билан) изҳор қилиб, Расулуллоҳ ﷺнинг ҳузурларига келдилар ва у зотга ўзлари чорвадор эканликларини, экинзор аҳлидан эмасликларини айтдилар ҳамда Мадинанинг иситмасидан шикоят қилдилар. Шунда Расулуллоҳ ﷺ уларга (соғин) туяларни (беришга) буюрдилар ва Мадинадан чиқиб, ўша туяларнинг сути ҳамда сийдигидан ичишларини амр қилдилар. Улар жўнаб кетиб, Ҳарра томонида бўлдилар. Сўнг Исломларидан кейин кофир бўлдилар, Расулуллоҳ ﷺнинг чўпонларини ўлдирдилар ва туяларни ҳайдаб кетдилар. Бу (хабар) Расулуллоҳ ﷺга етиб борди. У зот уларнинг изидан қувғинчи юбордилар ва улар келтирилди. Бас, у зот уларнинг кўзларига мих тортдирдилар, қўл-оёқларини кесдирдилар; улар Ҳарра томонида ташлаб қўйилди ва у ернинг тошларини тишлаган ҳолда ўлиб кетдилар. Қатода айтди: Бизга етишича, улар ҳақида шу оят нозил бўлган: {Албатта, Аллоҳ ва Унинг Расулига қарши уруш қиладиганларнинг жазоси}.