وَبِإِسْنَادِهِقَالَ جَاءَ مَاعِزُ بْنُ مَالِكٍ الْأَسْلَمِيُّ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ يَا رَسُولَ اللَّهِ إِنِّي قَدْ زَنَيْتُ فَأَعْرَضَ عَنْهُ ثُمَّ جَاءَ مِنْ شِقِّهِ الْأَيْمَنِ فَقَالَ يَا رَسُولَ اللَّهِ إِنِّي قَدْ زَنَيْتُ فَأَعْرَضَ عَنْهُ ثُمَّ جَاءَهُ مِنْ شِقِّهِ الْأَيْسَرِ فَقَالَ يَا رَسُولَ اللَّهِ إِنِّي قَدْ زَنَيْتُ فَقَالَ لَهُ ذَلِكَ أَرْبَعَ مَرَّاتٍ فَقَالَ انْطَلِقُوا بِهِ فَارْجُمُوهُ وَقَالَ فَانْطَلَقُوا بِهِ فَلَمَّا مَسَّتْهُ الْحِجَارَةُ أَدْبَرَ وَاشْتَدَّ فَاسْتَقْبَلَهُ رَجُلٌ فِي يَدِهِ لَحْيُ جَمَلٍ فَضَرَبَهُ بِهِ فَذُكِرَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ فِرَارُهُ حِينَ مَسَّتْهُ الْحِجَارَةُ قَالَ فَهَلَّا تَرَكْتُمُوهُ
Abu Hurayra (roziyallohu anhu)dan rivoyat qilinadi: Moiz ibn Molik al-Aslamiy Rasululloh ṣ huzurlariga kelib: «Yo Rasululloh! Men zino qildim», dedi. U zot undan yuz oʻgirdilar. Soʻng u zotning oʻng tomonlaridan kelib: «Yo Rasululloh! Men zino qildim», dedi. U zot yana undan yuz oʻgirdilar. Soʻng chap tomonlaridan kelib: «Yo Rasululloh! Men zino qildim», dedi. U buni toʻrt marta aytdi. Shunda u zot: «Uni olib boringlar va toshboʻron qilinglar», dedilar. (Rovi) aytdi: Uni olib ketishdi. Toshlar unga tega boshlagach, u orqasiga qaytib qochdi. Shunda qoʻlida tuya jagʻi boʻlgan bir kishi uni qarshi olib, oʻsha bilan urdi. Toshlar tegishi bilan uning qochgani Rasululloh ṣga aytilganda, u zot: «Uni qoʻyib yuborsangiz boʻlmasmidi?!» dedilar.Абу Ҳурайра (розияллоҳу анҳу)дан ривоят қилинади: Моиз ибн Молик ал-Асламий Расулуллоҳ ṣ ҳузурларига келиб: «Ё Расулуллоҳ! Мен зино қилдим», деди. У зот ундан юз ўгирдилар. Сўнг у зотнинг ўнг томонларидан келиб: «Ё Расулуллоҳ! Мен зино қилдим», деди. У зот яна ундан юз ўгирдилар. Сўнг чап томонларидан келиб: «Ё Расулуллоҳ! Мен зино қилдим», деди. У буни тўрт марта айтди. Шунда у зот: «Уни олиб боринглар ва тошбўрон қилинглар», дедилар. (Рови) айтди: Уни олиб кетишди. Тошлар унга тега бошлагач, у орқасига қайтиб қочди. Шунда қўлида туя жағи бўлган бир киши уни қарши олиб, ўша билан урди. Тошлар тегиши билан унинг қочгани Расулуллоҳ ṣга айтилганда, у зот: «Уни қўйиб юборсангиз бўлмасмиди?!» дедилар.