Anas ibn Molik (roziyallohu anhu) aytdi: Biz sahro ahlidan bir kishi kelib, Rasululloh ﷺdan (biror narsa) soʻrashini yoqtirar edik. Bir aʼrobiy kelib: «Yo Rasululloh, qiyomat qachon?» dedi. Shu payt namozga iqomat aytildi va Rasululloh ﷺ turib namoz oʻqidilar. Namozni ado etganlarida: «Qiyomat haqida soʻragan kishi qani?» dedilar. U kishi turib: «Men», dedi. U zot: «Unga nima tayyorlading?» dedilar. U: «Unga koʻp namoz ham, roʻza ham tayyorlaganim yoʻq; faqat men Alloh va Uning Rasulini sevaman», dedi. Shunda Rasululloh ﷺ: «Kishi oʻzi sevgan kishi bilan (birga) boʻladi», dedilar. (Anas) aytdi: Men musulmonlarning Islomdan keyin hech narsadan bundan ortiq quvonganini koʻrmadim. Ansoriy: «koʻp amal — na namoz, na roʻza», dedi.Анас ибн Молик (розияллоҳу анҳу) айтди: Биз саҳро аҳлидан бир киши келиб, Расулуллоҳ ﷺдан (бирор нарса) сўрашини ёқтирар эдик. Бир аъробий келиб: «Ё Расулуллоҳ, қиёмат қачон?» деди. Шу пайт намозга иқомат айтилди ва Расулуллоҳ ﷺ туриб намоз ўқидилар. Намозни адо этганларида: «Қиёмат ҳақида сўраган киши қани?» дедилар. У киши туриб: «Мен», деди. У зот: «Унга нима тайёрладинг?» дедилар. У: «Унга кўп намоз ҳам, рўза ҳам тайёрлаганим йўқ; фақат мен Аллоҳ ва Унинг Расулини севаман», деди. Шунда Расулуллоҳ ﷺ: «Киши ўзи севган киши билан (бирга) бўлади», дедилар. (Анас) айтди: Мен мусулмонларнинг Исломдан кейин ҳеч нарсадан бундан ортиқ қувонганини кўрмадим. Ансорий: «кўп амал — на намоз, на рўза», деди.