Anas ibn Molik (roziyallohu anhu)dan: «Rasululloh ﷺ uzuk yasatganmidilar?» deb soʻraldi. U: «Ha», dedi va (shunday hikoya qildi:) Bir kechasi u zot isho namozini yarim kechagacha kechiktirdilar, soʻng namoz oʻqidilar. Namozni oʻqib boʻlgach, bizga yuzlanib: «Albatta, odamlar namoz oʻqib uxladilar; sizlar esa namozni kutib turar ekansizlar, (toʻxtovsiz) namozdasizlar», dedilar. (Anas) aytdi: Goʻyo men hozir ham u zotning uzuklarining yaltirashiga qarab turgandekman.Анас ибн Молик (розияллоҳу анҳу)дан: «Расулуллоҳ ﷺ узук ясатганмидилар?» деб сўралди. У: «Ҳа», деди ва (шундай ҳикоя қилди:) Бир кечаси у зот ишо намозини ярим кечагача кечиктирдилар, сўнг намоз ўқидилар. Намозни ўқиб бўлгач, бизга юзланиб: «Албатта, одамлар намоз ўқиб ухладилар; сизлар эса намозни кутиб турар экансизлар, (тўхтовсиз) намоздасизлар», дедилар. (Анас) айтди: Гўё мен ҳозир ҳам у зотнинг узукларининг ялтирашига қараб тургандекман.