Abu Gʻolib al-Xayyot aytdi: Men Anas ibn Molik (roziyallohu anhu)ning bir kishining janozasini oʻqiganiga guvoh boʻldim: u (mayyitning) boshi tomonida turdi. (Janoza) koʻtarilgach, quraysh yoki ansordan boʻlgan bir ayolning janozasi keltirildi va unga: «Ey Abu Hamza, bu falonchining qizi falonchining janozasi, unga janoza oʻqib ber», deyildi. U unga janoza oʻqidi va (mayyitning) oʻrtasida turdi. Oramizda Alo ibn Ziyod al-Adaviy bor edi. U (Anasning) erkak va ayol (janozasi)da turishi har xil boʻlganini koʻrgach: «Ey Abu Hamza, Rasululloh ﷺ erkakka sen turgan joyda, ayolga esa sen turgan (oʻsha) joyda turar edilarmi?» dedi. U: «Ha», dedi. Shunda Alo bizga oʻgirilib: «Yodda saqlanglar», dedi.Абу Ғолиб ал-Хайёт айтди: Мен Анас ибн Молик (розияллоҳу анҳу)нинг бир кишининг жанозасини ўқиганига гувоҳ бўлдим: у (маййитнинг) боши томонида турди. (Жаноза) кўтарилгач, қурайш ёки ансордан бўлган бир аёлнинг жанозаси келтирилди ва унга: «Эй Абу Ҳамза, бу фалончининг қизи фалончининг жанозаси, унга жаноза ўқиб бер», дейилди. У унга жаноза ўқиди ва (маййитнинг) ўртасида турди. Орамизда Ало ибн Зиёд ал-Адавий бор эди. У (Анаснинг) эркак ва аёл (жанозаси)да туриши ҳар хил бўлганини кўргач: «Эй Абу Ҳамза, Расулуллоҳ ﷺ эркакка сен турган жойда, аёлга эса сен турган (ўша) жойда турар эдиларми?» деди. У: «Ҳа», деди. Шунда Ало бизга ўгирилиб: «Ёдда сақланглар», деди.