Anas (roziyallohu anhu)dan rivoyat qilinadi: Nabiy ﷺ ga: «Abdulloh ibn Ubayning oldiga borsangiz», deyildi. Shunda Allohning Nabiysi ﷺ eshakka minib, uning oldiga joʻnadilar, musulmonlar ham piyoda joʻnadilar. U yer shoʻrxok zamin edi. Nabiy ﷺ uning oldiga kelganlarida, u: «Mendan nari tur! Eshagingning hidi meni ozorlab yubordi», dedi. Shunda ansorlardan bir kishi: «Allohga qasamki, Rasululloh ﷺ ning eshaklari hidi sendan koʻra xushboʻyroq», dedi. Shunda Abdullohning qavmidan bir kishi u uchun gʻazablandi. Soʻng ularning har biri uchun oʻz hamrohlari gʻazablandi. Natijada ular oʻrtasida xurmo shoxlari bilan, qoʻllar bilan va kavushlar bilan urishuv boʻldi. (Anas) dedi: Bizga yetishicha, ular haqida: {Agar moʻminlardan ikki toʻda urishib qolsalar, ularning oʻrtasini isloh qilinglar} (oyati) nozil boʻlgan.Анас (розияллоҳу анҳу)дан ривоят қилинади: Набий ﷺ га: «Абдуллоҳ ибн Убайнинг олдига борсангиз», дейилди. Шунда Аллоҳнинг Набийси ﷺ эшакка миниб, унинг олдига жўнадилар, мусулмонлар ҳам пиёда жўнадилар. У ер шўрхок замин эди. Набий ﷺ унинг олдига келганларида, у: «Мендан нари тур! Эшагингнинг ҳиди мени озорлаб юборди», деди. Шунда ансорлардан бир киши: «Аллоҳга қасамки, Расулуллоҳ ﷺ нинг эшаклари ҳиди сендан кўра хушбўйроқ», деди. Шунда Абдуллоҳнинг қавмидан бир киши у учун ғазабланди. Сўнг уларнинг ҳар бири учун ўз ҳамроҳлари ғазабланди. Натижада улар ўртасида хурмо шохлари билан, қўллар билан ва кавушлар билан уришув бўлди. (Анас) деди: Бизга етишича, улар ҳақида: {Агар мўминлардан икки тўда уришиб қолсалар, уларнинг ўртасини ислоҳ қилинглар} (ояти) нозил бўлган.