Anas ibn Molik (roziyallohu anhu) aytdi: Rasululloh ﷺ masjidlarining oʻrni Banu Najjorga tegishli boʻlib, unda ekinzor, xurmolar va mushriklarning qabrlari bor edi. U zot: «Ey Banu Najjor, uning bahosini men bilan kelishinglar», dedilar. Ular: «Biz uning bahosini Allohning huzuridan boʻlgandan boshqa (hech narsani) istamaymiz», dedilar. Bas, xurmolar kesildi, ekinzor tekislandi va mushriklarning qabrlari kovlandi. Allohning Nabiysi ﷺ masjid qurilishidan oldin namoz vaqti qayerda kirsa, oʻsha yerda va qoʻy qoʻralarida namoz oʻqir edilar. Odamlar masjid qurilishi uchun tosh tashiyotganlarida Nabiy ﷺ: «Allohim, yaxshilik — oxirat yaxshiligidir, bas, ansorlaru muhojirlarni magʻfirat qilgin», der edilar.Анас ибн Молик (розияллоҳу анҳу) айтди: Расулуллоҳ ﷺ масжидларининг ўрни Бану Нажжорга тегишли бўлиб, унда экинзор, хурмолар ва мушрикларнинг қабрлари бор эди. У зот: «Эй Бану Нажжор, унинг баҳосини мен билан келишинглар», дедилар. Улар: «Биз унинг баҳосини Аллоҳнинг ҳузуридан бўлгандан бошқа (ҳеч нарсани) истамаймиз», дедилар. Бас, хурмолар кесилди, экинзор текисланди ва мушрикларнинг қабрлари ковланди. Аллоҳнинг Набийси ﷺ масжид қурилишидан олдин намоз вақти қаерда кирса, ўша ерда ва қўй қўраларида намоз ўқир эдилар. Одамлар масжид қурилиши учун тош ташиётганларида Набий ﷺ: «Аллоҳим, яхшилик — охират яхшилигидир, бас, ансорлару муҳожирларни мағфират қилгин», дер эдилар.