Anas ibn Molik (roziyallohu anhu)dan rivoyat qilinadi: Rasululloh ﷺ Badrda halok boʻlganlarni uch kun qoldirdilar, hattoki ular sasib ketdi. Soʻng ularning oldilariga kelib, ular ustida turdilar-da: «Ey Umayya ibn Xalaf, ey Abu Jahl ibn Hishom, ey Utba ibn Rabiʼa, ey Shayba ibn Rabiʼa! Robbingiz sizlarga vaʼda qilgan narsani haq deb topdingizmi? Men esa Robbim menga vaʼda qilgan narsani haq deb topdim», dedilar. Umar u zotning ovozlarini eshitib: «Yo Rasululloh, uch kundan keyin ularni chaqiryapsizmi, ular eshitadimi? Alloh azza va jalla: {Albatta, sen oʻliklarga eshittira olmaysan}, deydi-ku», dedi. U zot: «Jonim qoʻlida boʻlgan Zotga qasamki, sizlar ulardan koʻra eshituvchanroq emassiz, lekin ular javob bera olmaydilar», dedilar.Анас ибн Молик (розияллоҳу анҳу)дан ривоят қилинади: Расулуллоҳ ﷺ Бадрда ҳалок бўлганларни уч кун қолдирдилар, ҳаттоки улар сасиб кетди. Сўнг уларнинг олдиларига келиб, улар устида турдилар-да: «Эй Умайя ибн Халаф, эй Абу Жаҳл ибн Ҳишом, эй Утба ибн Рабиъа, эй Шайба ибн Рабиъа! Роббингиз сизларга ваъда қилган нарсани ҳақ деб топдингизми? Мен эса Роббим менга ваъда қилган нарсани ҳақ деб топдим», дедилар. Умар у зотнинг овозларини эшитиб: «Ё Расулуллоҳ, уч кундан кейин уларни чақиряпсизми, улар эшитадими? Аллоҳ азза ва жалла: {Албатта, сен ўликларга эшиттира олмайсан}, дейди-ку», деди. У зот: «Жоним қўлида бўлган Зотга қасамки, сизлар улардан кўра эшитувчанроқ эмассиз, лекин улар жавоб бера олмайдилар», дедилар.