Ali (roziyallohu anhu)dan rivoyat qilinadi: Hamzaning qizi ular ketidan: «Ey amaki, ey amaki!» deb chaqirib ergashdi. Ali uni qoʻlidan tutib olib, Fotimaga: «Amakingning qizini ol, unga qara», dedi. Soʻng u haqda Ali, Zayd va Jaʼfar bahslashib qolishdi. Ali: «Uni men oldim, u amakimning qizidir», dedi. Jaʼfar: «U amakimning qizi, xolasi esa mening nikohimdadir», dedi. Zayd: «U akamning qizidir», dedi. Shunda Rasululloh ﷺ uni xolasiga hukm qildilar va: «Xola ona oʻrnidadir», dedilar. Soʻng Aliga: «Sen mendansan, men sendanman», dedilar. Jaʼfarga: «Sen suratim va siyratimga oʻxshading», dedilar. Zaydga: «Sen bizning birodarimiz va mavlomizsan», dedilar. Ali (roziyallohu anhu): «Ey Allohning Rasuli, Hamzaning qiziga uylanmaysizmi?» dedi. U zot: «U emishgan birodarimning qizidir», dedilar.Али (розияллоҳу анҳу)дан ривоят қилинади: Ҳамзанинг қизи улар кетидан: «Эй амаки, эй амаки!» деб чақириб эргашди. Али уни қўлидан тутиб олиб, Фотимага: «Амакингнинг қизини ол, унга қара», деди. Сўнг у ҳақда Али, Зайд ва Жаъфар баҳслашиб қолишди. Али: «Уни мен олдим, у амакимнинг қизидир», деди. Жаъфар: «У амакимнинг қизи, холаси эса менинг никоҳимдадир», деди. Зайд: «У акамнинг қизидир», деди. Шунда Расулуллоҳ ﷺ уни холасига ҳукм қилдилар ва: «Хола она ўрнидадир», дедилар. Сўнг Алига: «Сен мендансан, мен сенданман», дедилар. Жаъфарга: «Сен суратим ва сийратимга ўхшадинг», дедилар. Зайдга: «Сен бизнинг биродаримиз ва мавломизсан», дедилар. Али (розияллоҳу анҳу): «Эй Аллоҳнинг Расули, Ҳамзанинг қизига уйланмайсизми?» деди. У зот: «У эмишган биродаримнинг қизидир», дедилар.