Hanzala at-Tamimiy al-Usaydiy al-Kotib (roziyallohu anhu)dan rivoyat qilinadi: «Biz Rasululloh ﷺning huzurlarida jannat va doʻzax haqida shu qadar gaplashdikki, goʻyo ularni koʻz bilan koʻrayotgandek boʻldik. Soʻng ahlim va bolalarim oldiga borib, kulib, oʻynab yubordim va biz boʻlgan holatni esladim. Chiqib ketdim-da, Abu Bakr bilan uchrashib qoldim va: ‹Munofiq boʻlib qoldim, munofiq boʻlib qoldim›, dedim. U: ‹Biz ham shunday qilamiz-ku›, dedi». Soʻng men Nabiy ﷺning huzurlariga kelib, buni u zotga aytdim. U zot: «Ey Hanzala, agar sizlar mening huzurimda boʻlganingizdek doim shunday boʻlib turganingizda, farishtalar sizlarni toʻshaklaringizda — yoki yoʻllaringizda — silar edilar», dedilar yoki shunga yaqin bir soʻz aytdilar. Sufyon aytdi: «Ey Hanzala, bir soat u, bir soat bu».Ҳанзала ат-Тамимий ал-Усайдий ал-Котиб (розияллоҳу анҳу)дан ривоят қилинади: «Биз Расулуллоҳ ﷺнинг ҳузурларида жаннат ва дўзах ҳақида шу қадар гаплашдикки, гўё уларни кўз билан кўраётгандек бўлдик. Сўнг аҳлим ва болаларим олдига бориб, кулиб, ўйнаб юбордим ва биз бўлган ҳолатни эсладим. Чиқиб кетдим-да, Абу Бакр билан учрашиб қолдим ва: ‹Мунофиқ бўлиб қолдим, мунофиқ бўлиб қолдим›, дедим. У: ‹Биз ҳам шундай қиламиз-ку›, деди». Сўнг мен Набий ﷺнинг ҳузурларига келиб, буни у зотга айтдим. У зот: «Эй Ҳанзала, агар сизлар менинг ҳузуримда бўлганингиздек доим шундай бўлиб турганингизда, фаришталар сизларни тўшакларингизда — ёки йўлларингизда — силар эдилар», дедилар ёки шунга яқин бир сўз айтдилар. Суфён айтди: «Эй Ҳанзала, бир соат у, бир соат бу».