U aytdi: Men Rasululloh ﷺdan eshitdim — u zotning huzurlariga bir kishi kelib: «Muzar uchun Allohdan yomgʻir soʻrang», dedi. U zot: «Sen haqiqatan ham jurʼatlisan — Muzar uchunmi?» dedilar. U: «Yo Rasululloh, siz Alloh azza va jalladan nusrat soʻradingiz, U sizga nusrat berdi; Alloh azza va jallaga duo qildingiz, U sizga ijobat qildi», dedi. Shunda Rasululloh ﷺ qoʻllarini koʻtarib: «Ey Allohim, bizga yordam beruvchi, oʻt-oʻlan undiruvchi, xush, (yerni) qoplovchi, sersuv, tez keladigan, kechikmaydigan, foydali, zarar bermaydigan yomgʻir ber», dedilar. Bas, ular (yomgʻir bilan) tirildilar. Koʻp oʻtmay u zotning oldilariga kelib, yomgʻirning koʻpligidan shikoyat qilishdi va: «Uylar buzilib ketdi», dedilar. U zot qoʻllarini koʻtarib: «Ey Allohim, atrofimizga (yogʻdir), ustimizga emas», dedilar. Shunda bulut oʻngga va chapga boʻlina boshladi.У айтди: Мен Расулуллоҳ ﷺдан эшитдим — у зотнинг ҳузурларига бир киши келиб: «Музар учун Аллоҳдан ёмғир сўранг», деди. У зот: «Сен ҳақиқатан ҳам журъатлисан — Музар учунми?» дедилар. У: «Ё Расулуллоҳ, сиз Аллоҳ азза ва жалладан нусрат сўрадингиз, У сизга нусрат берди; Аллоҳ азза ва жаллага дуо қилдингиз, У сизга ижобат қилди», деди. Шунда Расулуллоҳ ﷺ қўлларини кўтариб: «Эй Аллоҳим, бизга ёрдам берувчи, ўт-ўлан ундирувчи, хуш, (ерни) қопловчи, серсув, тез келадиган, кечикмайдиган, фойдали, зарар бермайдиган ёмғир бер», дедилар. Бас, улар (ёмғир билан) тирилдилар. Кўп ўтмай у зотнинг олдиларига келиб, ёмғирнинг кўплигидан шикоят қилишди ва: «Уйлар бузилиб кетди», дедилар. У зот қўлларини кўтариб: «Эй Аллоҳим, атрофимизга (ёғдир), устимизга эмас», дедилар. Шунда булут ўнгга ва чапга бўлина бошлади.