Mugʻiyra ibn Shuʼba (roziyallohu anhu)dan rivoyat qilinadi: Rasululloh ﷺ ortda qolib, hojatlarini ado etdilar va: «Yoningda tahorat suvi bormi?» dedilar. Men suvli idish bilan u zotning ketlaridan bordim. U zot kaftlarini va yuzlarini yuvdilar, soʻng bilaklarini ochmoqchi boʻldilar, ammo jubbaning yenglari tor edi, shuning uchun qoʻllarini jubbaning ostidan chiqardilar va bilaklarini yuvdilar. Soʻng sallalari va maxsilariga mash tortdilar-da, ulovga mindilar; men ham ulovimga mindim. Biz qavmning oldiga yetib kelganimizda, Abdurrahmon ibn Avf ularga bir rakat oʻqib boʻlgan edi. U Nabiy ﷺni sezib qolib, orqaga chekinmoqchi boʻldi. Nabiy ﷺ unga namozni toʻldirishni ishora qildilar va: «Yaxshi qilding, shu tariqa qilaver», dedilar.Муғийра ибн Шуъба (розияллоҳу анҳу)дан ривоят қилинади: Расулуллоҳ ﷺ ортда қолиб, ҳожатларини адо этдилар ва: «Ёнингда таҳорат суви борми?» дедилар. Мен сувли идиш билан у зотнинг кетларидан бордим. У зот кафтларини ва юзларини ювдилар, сўнг билакларини очмоқчи бўлдилар, аммо жуббанинг енглари тор эди, шунинг учун қўлларини жуббанинг остидан чиқардилар ва билакларини ювдилар. Сўнг саллалари ва махсиларига маш тортдилар-да, уловга миндилар; мен ҳам уловимга миндим. Биз қавмнинг олдига етиб келганимизда, Абдурраҳмон ибн Авф уларга бир ракат ўқиб бўлган эди. У Набий ﷺни сезиб қолиб, орқага чекинмоқчи бўлди. Набий ﷺ унга намозни тўлдиришни ишора қилдилар ва: «Яхши қилдинг, шу тариқа қилавер», дедилар.