حَدَّثَنَا أَبُو الْمُغِيرَةِ حَدَّثَنَا مُعَانُ بْنُ رِفَاعَةَ حَدَّثَنِي عَلِيُّ بْنُ يَزِيدَ عَنِ الْقَاسِمِ أَبِي عَبْدِ الرَّحْمَنِ عَنْ أَبِي أُمَامَةَ الْبَاهِلِيِّ عَنِ الْمُغِيرَةِ بْنِ شُعْبَةَ قَالَدَعَانِي رَسُولُ اللَّهِ صَلَّى اللَّهُ عَلَيْهِ وَسَلَّمَ بِمَاءٍ فَأَتَيْتُ خِبَاءً فَإِذَا فِيهِ امْرَأَةٌ أَعْرَابِيَّةٌ قَالَ فَقُلْتُ إِنَّ هَذَا رَسُولُ اللَّهِ صَلَّى اللَّهُ عَلَيْهِ وَسَلَّمَ وَهُوَ يُرِيدُ مَاءً يَتَوَضَّأُ فَهَلْ عِنْدَكِ مِنْ مَاءٍ قَالَتْ بِأَبِي وَأُمِّي رَسُولُ اللَّهِ صَلَّى اللَّهُ عَلَيْهِ وَسَلَّمَ فَوَاللَّهِ مَا تُظِلُّ السَّمَاءُ وَلَا تُقِلُّ الْأَرْضُ رُوحًا أَحَبَّ إِلَيَّ مِنْ رُوحِهِ وَلَا أَعَزَّ وَلَكِنَّ هَذِهِ الْقِرْبَةَ مَسْكُ مَيْتَةٍ وَلَا أُحِبُّ أُنَجِّسُ بِهِ رَسُولَ اللَّهِ صَلَّى اللَّهُ عَلَيْهِ وَسَلَّمَ فَرَجَعْتُ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَأَخْبَرْتُهُ فَقَالَ ارْجِعْ إِلَيْهَا فَإِنْ كَانَتْ دَبَغَتْهُ فَهِيَ طَهُورُهَا قَالَ فَرَجَعْتُ إِلَيْهَا فَذَكَرْتُ ذَلِكَ لَهَا فَقَالَتْ أَيْ وَاللَّهِ لَقَدْ دَبَغْتُهَا فَأَتَيْتُهُ بِمَاءٍ مِنْهَا وَعَلَيْهِ يَوْمَئِذٍ جُبَّةٌ شَامِيَّةٌ وَعَلَيْهِ خُفَّانِ وَخِمَارٌ قَالَ فَأَدْخَلَ يَدَيْهِ مِنْ تَحْتِ الْجُبَّةِ قَالَ مِنْ ضِيقِ كُمَّيْهَا قَالَ فَتَوَضَّأَ فَمَسَحَ عَلَى الْخِمَارِ وَالْخُفَّيْنِ
Mugʻira ibn Shuʼba (roziyallohu anhu)dan rivoyat qilinadi: Rasululloh ﷺ mendan suv (keltirishni) soʻradilar. Men bir chodirga bordim, unda badaviy bir ayol bor ekan. Men: «Bu — Rasululloh ﷺ, u zot tahorat olish uchun suv istamoqdalar, senda suv bormi?» dedim. U: «Otam va onam Rasululloh ﷺga fido boʻlsin! Allohga qasamki, osmon soya solgan va yer koʻtarib turgan jonlar ichida menga u zotning jonlaridan koʻra sevimliroq va azizroq jon yoʻq. Lekin bu meshning terisi oʻlaksanikidir, men u bilan Rasululloh ﷺni nopok qilishni yoqtirmayman», dedi. Men Rasululloh ﷺning huzurlariga qaytib, buni aytdim. U zot: «Uning oldiga qayt, agar uni oshlagan boʻlsa, oshlanishi uning pokligidir», dedilar. Men uning oldiga qaytib, buni unga aytdim. U: «Ha, Allohga qasamki, men uni oshlaganman», dedi. Shunda men undan u zotga suv keltirdim. Oʻsha kuni u zotning ustlarida shomlik jubba, oyoqlarida maxsi va boshlarida salla bor edi. U zot yenglari tor boʻlgani uchun qoʻllarini jubbaning ostidan chiqardilar, tahorat oldilar va sallalari hamda maxsilari ustiga mash tortdilar.Муғира ибн Шуъба (розияллоҳу анҳу)дан ривоят қилинади: Расулуллоҳ ﷺ мендан сув (келтиришни) сўрадилар. Мен бир чодирга бордим, унда бадавий бир аёл бор экан. Мен: «Бу — Расулуллоҳ ﷺ, у зот таҳорат олиш учун сув истамоқдалар, сенда сув борми?» дедим. У: «Отам ва онам Расулуллоҳ ﷺга фидо бўлсин! Аллоҳга қасамки, осмон соя солган ва ер кўтариб турган жонлар ичида менга у зотнинг жонларидан кўра севимлироқ ва азизроқ жон йўқ. Лекин бу мешнинг териси ўлаксаникидир, мен у билан Расулуллоҳ ﷺни нопок қилишни ёқтирмайман», деди. Мен Расулуллоҳ ﷺнинг ҳузурларига қайтиб, буни айтдим. У зот: «Унинг олдига қайт, агар уни ошлаган бўлса, ошланиши унинг поклигидир», дедилар. Мен унинг олдига қайтиб, буни унга айтдим. У: «Ҳа, Аллоҳга қасамки, мен уни ошлаганман», деди. Шунда мен ундан у зотга сув келтирдим. Ўша куни у зотнинг устларида шомлик жубба, оёқларида махси ва бошларида салла бор эди. У зот енглари тор бўлгани учун қўлларини жуббанинг остидан чиқардилар, таҳорат олдилар ва саллалари ҳамда махсилари устига маш тортдилар.