Yana men Rasululloh ﷺ ning shunday deganlarini eshitdim: «Albatta, halol ochiq-oydin, harom ham ochiq-oydin, ularning orasida esa shubhali narsalar bor, koʻp odamlar ularni bilmaydilar. Kim shubhali narsalardan saqlansa, oʻz dinini va obroʻsini asragan boʻladi. Kim ularga tushsa, haromga tushadi — u qoʻriqxona atrofida (mol) boqib yurgan choʻponga oʻxshaydi, uning ichida boqib yuborishi yaqindir. Ogoh boʻlinglar! Albatta, har bir podshohning qoʻriqxonasi bordir. Ogoh boʻlinglar! Albatta, Allohning qoʻriqxonasi U harom qilgan narsalardir. Ogoh boʻlinglar! Albatta, insonda bir parcha goʻsht bor: u sogʻ boʻlsa, butun jasad sogʻ boʻladi; u buzuq boʻlsa, butun jasad buzuq boʻladi. Ogoh boʻlinglar! U — qalbdir». Boshqa isnod bilan ham Nuʼmon ibn Bashirdan rivoyat qilinadi: Rasululloh ﷺ: «Moʻminlarning misoli...» — soʻng hadisni zikr qildi.Яна мен Расулуллоҳ ﷺ нинг шундай деганларини эшитдим: «Албатта, ҳалол очиқ-ойдин, ҳаром ҳам очиқ-ойдин, уларнинг орасида эса шубҳали нарсалар бор, кўп одамлар уларни билмайдилар. Ким шубҳали нарсалардан сақланса, ўз динини ва обрўсини асраган бўлади. Ким уларга тушса, ҳаромга тушади — у қўриқхона атрофида (мол) боқиб юрган чўпонга ўхшайди, унинг ичида боқиб юбориши яқиндир. Огоҳ бўлинглар! Албатта, ҳар бир подшоҳнинг қўриқхонаси бордир. Огоҳ бўлинглар! Албатта, Аллоҳнинг қўриқхонаси У ҳаром қилган нарсалардир. Огоҳ бўлинглар! Албатта, инсонда бир парча гўшт бор: у соғ бўлса, бутун жасад соғ бўлади; у бузуқ бўлса, бутун жасад бузуқ бўлади. Огоҳ бўлинглар! У — қалбдир». Бошқа иснод билан ҳам Нуъмон ибн Баширдан ривоят қилинади: Расулуллоҳ ﷺ: «Мўминларнинг мисоли...» — сўнг ҳадисни зикр қилди.