Nabiy ﷺning sahobalaridan boʻlgan Rifoʼa ibn Rofiʼ az-Zuraqiy (roziyallohu anhu)dan rivoyat qilinadi: Rasululloh ﷺ masjidda oʻtirgan chogʻlarida bir kishi keldi va u zotning yaqinlarida namoz oʻqidi, soʻng Rasululloh ﷺning oldilariga qaytdi. Rasululloh ﷺ: «Namozingni qaytadan oʻqi, chunki sen namoz oʻqimading», dedilar. U qaytib borib, oʻzi oʻqiganiga oʻxshash namoz oʻqidi, soʻng Rasululloh ﷺning oldilariga qaytdi. U zot unga: «Namozingni qaytadan oʻqi, chunki sen namoz oʻqimading», dedilar. U: «Yo Rasululloh, menga qanday qilishni oʻrgating», dedi. U zot: «Qiblaga yuzlanganingda takbir ayt, soʻng Ummul-Qurʼonni oʻqi, soʻng xohlaganingni oʻqi. Rukuʼ qilganingda kaftlaringni tizzalaringga qoʻy, orqangni yoz va rukuʼingni mukammal ado et. Boshingni koʻtarganingda suyaklar oʻz boʻgʻimlariga qaytguncha belingni rostla. Sajda qilganingda sajdangni mukammal ado et. Boshingni koʻtarganingda chap soning ustiga oʻtir. Soʻng har bir rakaat va sajdada shunday qil», dedilar.Набий ﷺнинг саҳобаларидан бўлган Рифўа ибн Рофиъ аз-Зурақий (розияллоҳу анҳу)дан ривоят қилинади: Расулуллоҳ ﷺ масжидда ўтирган чоғларида бир киши келди ва у зотнинг яқинларида намоз ўқиди, сўнг Расулуллоҳ ﷺнинг олдиларига қайтди. Расулуллоҳ ﷺ: «Намозингни қайтадан ўқи, чунки сен намоз ўқимадинг», дедилар. У қайтиб бориб, ўзи ўқиганига ўхшаш намоз ўқиди, сўнг Расулуллоҳ ﷺнинг олдиларига қайтди. У зот унга: «Намозингни қайтадан ўқи, чунки сен намоз ўқимадинг», дедилар. У: «Ё Расулуллоҳ, менга қандай қилишни ўргатинг», деди. У зот: «Қиблага юзланганингда такбир айт, сўнг Уммул-Қуръонни ўқи, сўнг хоҳлаганингни ўқи. Рукуъ қилганингда кафтларингни тиззаларингга қўй, орқангни ёз ва рукуъингни мукаммал адо эт. Бошингни кўтарганингда суяклар ўз бўғимларига қайтгунча белингни ростла. Сажда қилганингда саждангни мукаммал адо эт. Бошингни кўтарганингда чап сонинг устига ўтир. Сўнг ҳар бир ракаат ва саждада шундай қил», дедилар.