Abu Muso al-Ashʼariy (roziyallohu anhu)dan rivoyat qilinadiki, Rasululloh ﷺ: «Albatta, qiyomat oldidan harj boʻladi», dedilar. Ular: «Harj nima?» deyishdi. U zot: «Oʻldirishdir», dedilar. Ular: «Biz oʻldirayotganimizdan koʻproqmi? Biz har yili yetmish mingdan ortiq (kishini) oʻldiramiz-ku», deyishdi. U zot: «Bu sizlarning mushriklarni oʻldirishingiz emas, balki bir-biringizni oʻldirishingizdir», dedilar. Ular: «Oʻsha kunda aqlimiz oʻzimiz bilan boʻladimi?» deyishdi. U zot: «Albatta, oʻsha zamon ahlining aqllari tortib olinadi va ularning oʻrniga odamlardan bir toʻda toʻzon (qadrsiz kimsalar) qoladi; ularning koʻpchiligi oʻzlarini bir narsa ustida deb hisoblaydi, holbuki ular hech narsa ustida emaslar», dedilar. Affon oʻz hadisida shunday dedi: Abu Muso aytdi: «Jonim qoʻlida boʻlgan Zot bilan qasamki, agar u menga va sizlarga yetsa, undan biz unga kirganimizdek — na qon, na molga tegmagan holda chiqishimizdan boshqa qutulish yoʻlini topa olmayman».Абу Мусо ал-Ашъарий (розияллоҳу анҳу)дан ривоят қилинадики, Расулуллоҳ ﷺ: «Албатта, қиёмат олдидан ҳарж бўлади», дедилар. Улар: «Ҳарж нима?» дейишди. У зот: «Ўлдиришдир», дедилар. Улар: «Биз ўлдираётганимиздан кўпроқми? Биз ҳар йили етмиш мингдан ортиқ (кишини) ўлдирамиз-ку», дейишди. У зот: «Бу сизларнинг мушрикларни ўлдиришингиз эмас, балки бир-бирингизни ўлдиришингиздир», дедилар. Улар: «Ўша кунда ақлимиз ўзимиз билан бўладими?» дейишди. У зот: «Албатта, ўша замон аҳлининг ақллари тортиб олинади ва уларнинг ўрнига одамлардан бир тўда тўзон (қадрсиз кимсалар) қолади; уларнинг кўпчилиги ўзларини бир нарса устида деб ҳисоблайди, ҳолбуки улар ҳеч нарса устида эмаслар», дедилар. Аффон ўз ҳадисида шундай деди: Абу Мусо айтди: «Жоним қўлида бўлган Зот билан қасамки, агар у менга ва сизларга етса, ундан биз унга кирганимиздек — на қон, на молга тегмаган ҳолда чиқишимиздан бошқа қутулиш йўлини топа олмайман».