Sayyor ibn Salama aytdi: Men va otam Abu Barzaning huzuriga kirdik va undan Rasululloh ﷺning namoz vaqtlari haqida soʻradik. U aytdi: «U zot peshinni quyosh ogʻganda oʻqir edilar; asrni esa (shunday oʻqir edilarki), kishi Madinaning eng chekkasiga qaytib borar, quyosh hali tirik boʻlar edi. Shom haqida — Sayyor aytdi: uni unutdim. — Xuftonni uchdan bir kechagacha kechiktirishga parvo qilmas edilar. Undan oldin uxlashni va undan keyin gaplashishni yoqtirmas edilar. Bomdodni oʻqir edilar, kishi (namozdan) qaytganida yonidagi hamsuhbatining yuzini tanir edi. Unda oltmishtadan yuztagacha (oyat) oʻqir edilar». Sayyor aytdi: «Bilmadim, ikki rakaatning biridami yoki ikkovida hammi».Сайёр ибн Салама айтди: Мен ва отам Абу Барзанинг ҳузурига кирдик ва ундан Расулуллоҳ ﷺнинг намоз вақтлари ҳақида сўрадик. У айтди: «У зот пешинни қуёш оғганда ўқир эдилар; асрни эса (шундай ўқир эдиларки), киши Мадинанинг энг чеккасига қайтиб борар, қуёш ҳали тирик бўлар эди. Шом ҳақида — Сайёр айтди: уни унутдим. — Хуфтонни учдан бир кечагача кечиктиришга парво қилмас эдилар. Ундан олдин ухлашни ва ундан кейин гаплашишни ёқтирмас эдилар. Бомдодни ўқир эдилар, киши (намоздан) қайтганида ёнидаги ҳамсуҳбатининг юзини танир эди. Унда олтмиштадан юзтагача (оят) ўқир эдилар». Сайёр айтди: «Билмадим, икки ракаатнинг биридами ёки икковида ҳамми».