Imron ibn Husayn (roziyallohu anhu)dan rivoyat qilinadiki, Juhaynadan boʻlgan bir ayol Allohning Nabiysi ﷺ huzurlariga kelib: «Men had (jazosiga sazovor ish) qildim, uni menga ijro eting», dedi; u homilador edi. U zot u tugʻguncha unga yaxshi muomala qilinishiga buyurdilar. U tugʻgach, uni Rasululloh ﷺning huzurlariga olib kelishdi. U zot buyurdilar, shunda uning kiyimlari ustidan bogʻlandi, soʻng u zot uni toshboʻron qildilar, keyin unga janoza oʻqidilar. Umar: «Yo Nabiyalloh, u zino qilgan boʻlsa-yu, unga janoza oʻqiyapsizmi?» dedi. U zot: «U shunday tavba qildiki, agar bu tavba Madina ahlidan yetmish kishi orasida boʻlinsa, hammasiga yetardi. Tabaroka va taolo Alloh uchun oʻz joni bilan jud qilganidan afzalroq narsani topdingmi?» dedilar.Имрон ибн Ҳусайн (розияллоҳу анҳу)дан ривоят қилинадики, Жуҳайнадан бўлган бир аёл Аллоҳнинг Набийси ﷺ ҳузурларига келиб: «Мен ҳад (жазосига сазовор иш) қилдим, уни менга ижро этинг», деди; у ҳомиладор эди. У зот у туғгунча унга яхши муомала қилинишига буюрдилар. У туғгач, уни Расулуллоҳ ﷺнинг ҳузурларига олиб келишди. У зот буюрдилар, шунда унинг кийимлари устидан боғланди, сўнг у зот уни тошбўрон қилдилар, кейин унга жаноза ўқидилар. Умар: «Ё Набияллоҳ, у зино қилган бўлса-ю, унга жаноза ўқияпсизми?» деди. У зот: «У шундай тавба қилдики, агар бу тавба Мадина аҳлидан етмиш киши орасида бўлинса, ҳаммасига етарди. Табарока ва таоло Аллоҳ учун ўз жони билан жуд қилганидан афзалроқ нарсани топдингми?» дедилар.