Xabbob ibn al-Aratt (roziyallohu anhu) aytdi: Men temirchi kishi edim va Os ibn Voilda qarzim bor edi. Men uni talab qilib bordim. U: «Yoʻq, Allohga qasamki, sen Muhammadga kufr keltirmaguningcha senga toʻlamayman», dedi. Men: «Allohga qasamki, sen oʻlib, soʻng qayta tirilguningcha men Muhammadga ﷺ kufr keltirmayman», dedim. U: «Men oʻlib, soʻng qayta tirilganimda oldimga kelasan; oʻshanda menda mol va farzand boʻladi, men senga (haqingni) beraman», dedi. Shunda Alloh tabaroka va taolo: {Bizning oyatlarimizga kufr keltirgan va: «Menga, albatta, mol va farzand beriladi», degan (kishi)ni koʻrdingmi?} (oyatini) — Alloh azza va jallaning: «Bizga yolgʻiz holda keladi» degan soʻzigacha nozil qildi.Хаббоб ибн ал-Аратт (розияллоҳу анҳу) айтди: Мен темирчи киши эдим ва Ос ибн Воилда қарзим бор эди. Мен уни талаб қилиб бордим. У: «Йўқ, Аллоҳга қасамки, сен Муҳаммадга куфр келтирмагунингча сенга тўламайман», деди. Мен: «Аллоҳга қасамки, сен ўлиб, сўнг қайта тирилгунингча мен Муҳаммадга ﷺ куфр келтирмайман», дедим. У: «Мен ўлиб, сўнг қайта тирилганимда олдимга келасан; ўшанда менда мол ва фарзанд бўлади, мен сенга (ҳақингни) бераман», деди. Шунда Аллоҳ табарока ва таоло: {Бизнинг оятларимизга куфр келтирган ва: «Менга, албатта, мол ва фарзанд берилади», деган (киши)ни кўрдингми?} (оятини) — Аллоҳ азза ва жалланинг: «Бизга ёлғиз ҳолда келади» деган сўзигача нозил қилди.