Ubay ibn Kaʼb (roziyallohu anhu) aytdi: Rasululloh ﷺ: «Senga Tavrotda ham, Zaburda ham, Injilda ham, Qurʼonda ham unga oʻxshashi nozil qilinmagan bir surani oʻrgataymi?» dedilar. Men: «Ha», dedim. U zot: «Men sen uni bilib olmaguningcha ana u eshikdan chiqmasligimni umid qilaman», dedilar. Soʻng Rasululloh ﷺ turdilar, men ham u zot bilan turdim. U zot qoʻlimdan ushlab, menga gapirib bordilar, toki eshikka yaqinlashdilar. Shunda men u zotga eslatib: «Yo Rasululloh, menga aytgan surangiz?» dedim. U zot: «Namozga turganingda qanday oʻqiysan?» dedilar. Men Fotihatul-kitobni oʻqidim. U zot: «Oʻsha, oʻsha! U — sabʼul-masoniy va menga berilgan ulugʻ Qurʼondir», dedilar. Abdulloh aytdi: Men otamdan Aloʼ ibn Abdurahmon va Suhayl ibn Abu Solih haqida soʻradim. U Aloʼni Suhayldan ustun qoʻyib: «Men birortasining Aloʼni yomonlab tilga olganini eshitmadim», dedi. Abu Abdurahmon aytdi: Abu Solih menga Aloʼdan koʻra maʼqulroqdir.Убай ибн Каъб (розияллоҳу анҳу) айтди: Расулуллоҳ ﷺ: «Сенга Тавротда ҳам, Забурда ҳам, Инжилда ҳам, Қуръонда ҳам унга ўхшаши нозил қилинмаган бир сурани ўргатайми?» дедилар. Мен: «Ҳа», дедим. У зот: «Мен сен уни билиб олмагунингча ана у эшикдан чиқмаслигимни умид қиламан», дедилар. Сўнг Расулуллоҳ ﷺ турдилар, мен ҳам у зот билан турдим. У зот қўлимдан ушлаб, менга гапириб бордилар, токи эшикка яқинлашдилар. Шунда мен у зотга эслатиб: «Ё Расулуллоҳ, менга айтган сурангиз?» дедим. У зот: «Намозга турганингда қандай ўқийсан?» дедилар. Мен Фотиҳатул-китобни ўқидим. У зот: «Ўша, ўша! У — сабъул-масоний ва менга берилган улуғ Қуръондир», дедилар. Абдуллоҳ айтди: Мен отамдан Алў ибн Абдураҳмон ва Суҳайл ибн Абу Солиҳ ҳақида сўрадим. У Алўни Суҳайлдан устун қўйиб: «Мен бирортасининг Алўни ёмонлаб тилга олганини эшитмадим», деди. Абу Абдураҳмон айтди: Абу Солиҳ менга Алўдан кўра маъқулроқдир.