Ibn Abbos (roziyallohu anhumo)dan rivoyat qilinadi: Bir kishi Umarning oldiga (biror narsa) soʻrab keldi. Umar bir uning boshiga, bir oyoqlariga qarab, unda muhtojlik alomati bor-yoʻqligini koʻrmoqchi boʻldi. Soʻng Umar unga: «Molling qancha?» dedi. U: «Qirqta tuya», dedi. Ibn Abbos aytdi: Men: «Alloh va Uning Rasuli rost aytdi: ‹Agar Odam farzandiga oltindan ikki vodiy boʻlsa, u uchinchisini istar edi. Odam farzandining ichini tuproqdan boshqa narsa toʻldirmaydi. Alloh esa tavba qilgan kishining tavbasini qabul qiladi›», dedim. Umar: «Bu nima?» dedi. Men: «Menga Ubay shunday oʻqitgan», dedim. U: «Bizni uning oldiga olib bor», dedi. U Ubayning oldiga kelib: «Bu nima deyapti?» dedi. Ubay: «Menga Rasululloh ﷺ shunday oʻqitganlar», dedi. (Umar): «Uni (mushafda) sobit qilaymi?» dedi va uni sobit qildi.Ибн Аббос (розияллоҳу анҳумо)дан ривоят қилинади: Бир киши Умарнинг олдига (бирор нарса) сўраб келди. Умар бир унинг бошига, бир оёқларига қараб, унда муҳтожлик аломати бор-йўқлигини кўрмоқчи бўлди. Сўнг Умар унга: «Моллинг қанча?» деди. У: «Қирқта туя», деди. Ибн Аббос айтди: Мен: «Аллоҳ ва Унинг Расули рост айтди: ‹Агар Одам фарзандига олтиндан икки водий бўлса, у учинчисини истар эди. Одам фарзандининг ичини тупроқдан бошқа нарса тўлдирмайди. Аллоҳ эса тавба қилган кишининг тавбасини қабул қилади›», дедим. Умар: «Бу нима?» деди. Мен: «Менга Убай шундай ўқитган», дедим. У: «Бизни унинг олдига олиб бор», деди. У Убайнинг олдига келиб: «Бу нима деяпти?» деди. Убай: «Менга Расулуллоҳ ﷺ шундай ўқитганлар», деди. (Умар): «Уни (мушафда) собит қилайми?» деди ва уни собит қилди.